Kabaranggayan sa Butuan, Apektado sa Druga

Ni Alex Mapoy

PDEA Caraga Regional Director Julius R. Navales

BUTUAN CITY – Tanang barangay sa dakbayan sa Butuan ang apektado ug nasudlan na og drugas subay sa pagkomperma sa rehiyonal nga buhatan sa Philippine Drug Enforcement Agency (PDEA) Caraga.

Gikabutyag ni PDEA Caraga Regional Director Julius R. Navales, kon hisgotan ang “drug affectation,” sento porsyento nga ang 86 ka mga barangay nga naglangkob sa siyudad sa Butuan ang apektado na sa shabu.

Dugang ni RD Navales, bisan usa lang ka buok user sa shabu niana nga barangay, makonsidera na kini nga apektado.

“Kung sa drug affectation ay yong categorization kasi natin ngayon, yong slightly affected, yong presence pa lang ng isang drug user ay affected na. Wala namang barangay yata dito sa Butuan na walang user. So, kahit sabihin mo lang na isang user lang sa isang barangay, apektado na siya. So, kung doon tayo mag-babase, masasabi natin na 100% affected,” pamahayag ni RD Navales.

Gitin-aw sa direktor, pinakagrabe nga na apektohan sa druga mao ang mga barangay nga nahimutang sa sentrong bahin ning siyudad diin dili magpaulahi ang Barangay Ong Yiu.

Usa matod pa sa hinungdan nganong nagpadayon ang drugas sa maong barangay mao ang kawad-on labi na nga gikonsidera sa opisyal ang nasangpit nga dapit nga squatter.