Tamdanan sa Kontribusyon Gipagawas

Ni Alex Mapoy

Pasidaan sa Social Security System (SSS) sa mga employer, angayang sundon unsay nakalatid sa maong tamdanan aron dili kini mag-atubang og asunto. 

BUTUAN CITY – Subleng gihikyad sa Social Security System (SSS) ang tamdanan sa mga employers kabahin sa saktong kontribusyon sa matag empleyado.

Imported Thai Rice, Nakaabot na sa Caraga – NFA

Ni Alex Mapoy

120,000 ka sakong bugas humay nga gi-angkat gikan sa Thailand nahidangat na sa Surigao City Port. Magsilbi matod pa kining buffer stock alang sa umaabot nga lean months ning rehiyon. Courtesy of NFA Caraga

SURIGAO CITY – Gikomperma sa kadumalahan sa National Food Authority (NFA) Caraga nga nahidangat na sa Surigao City Port ang mga inangkat nga bugas gikan sa nasod sa Thailand.

BPV Gibansay sa PopCom

Ni Alex Mapoy

PopCom Caraga Technical Section Chief and Information Officer
III Rutchie C. Saluta. Photo by Alex Mapoy

BUTUAN CITY – Subsob ang gihimong pagbansay sa Population Commission (PopCom) Caraga ngadto sa kabaranggayan aron makamugna og Barangay Population Volunteer (BPV).

Tuyo niini nga mas mapalapdan ug mapaabot sa komisyon ang programa ngadto sa kabaranggayan – ang Responsible Parenthood and Family Planning (RPFP).

Segon ni PopCom Caraga Technical Section Chief and Information Officer III Rutchie C. Saluta, duha ka batches na sa BPV ang napailawom sa pagbansay labi na sa mga siyudad sa Cabadbaran ug Butuan ingon man sa mga probensya sa Agusan del Norte ug Agusan del Sur.

Target sa komisyon nga makamugna og labing minus 1,310 ka mga BPVs sa tibuok rehiyon sa Caraga kansang ihap katumbas sa kinatibuk-ang ihap sa mga barangay ning rehiyon.

2 Caraganon Gisilotan sa NPA

Ni Alex Mapoy

Han-ay sa rebeldeng New Peoples Army (NPA) nagpakita nga lig-on ang puwersa. Courtesy of Ka Aris Francisco, spokesperson, Compostela Valley-North Davao-South Agusan Sub-Regional Command. 

BUTUAN CITY – Duha ka mga Caraganon ang gisilotan sa rebolusyonaryong kalihokan human matod pa nakahimo og kasal-anan sa kalihokan ug sa katawhan.

Bakanteng Trabaho Gibuksan

Ni Alex Mapoy

DSWD Logo.

BUTUAN CITY – Dako ang tsansa sa mga job seekers nga makasulod og trabaho kon sa Department of Social Welfare and Development (DSWD) Caraga kini mangaplay human pipila ka mga bakanteng trabaho ang gibuksan bag-ohay lamang.

Sa mga nangita og trabaho, mahimong mangaplay kini sa rehiyonal nga buhatan sa nagkadaiyang posisyon sama sa Social Welfare Aide, Social Welfare Officer II, Administrative Officer II, Community Development Assistant, Project Development Officer I, Deputy Area Coordinator, ug Regional Information Officer.

Dawaton sa mahimong successful applicant ang binulan nga sweldo gikan P11,181 hangtod P31,351 kansa dako na kaayo kini og ikatabang sa inadlaw nga panginahanglan.

P42.4-M BUB Fund Gitunol

Ni Alex Mapoy

BUTUAN CITY – Baynte-singko (25) ka mga lungsod ning rehiyon ang makapahimulos sa pundo balor P42,419,865 nga pinakaulahing gipagawas sa kadumalahan sa Department of Interior and Local Government (DILG) Caraga ilawom sa Bottom-Up Budgeting (BUB) program sa kagamhanan.

GBV Issues Kibhangan

Ni Alex Mapoy

DSWD Caraga 4Ps Regional Information Officer II Ryan 

Malbas Tapayan. Photo by Alex Mapoy

SURIGAO CITY – Gilauman nga makibhangan ang isyu sa Gender-based Violence (GBV) ning rehiyon human gipahigayon ang 5 ka adlaw nga training sa Comprehensive Intervention Against Gender-based Violence (CIAG-V) ug Women Friendly Spaces sa Tavern Hotel, dakbayan sa Surigao.

Ang nahisgutang kalihokan gitambongan sa kadagkoang opisyal gikan sa 37 ka mga Local Government Units (LGUs) ning rehiyon.

Gipasiugdahan kini sa Department of Social Welfare and Development (DSWD) Field Office Caraga ilawom sa kadumalahan ni Regional Director Minda B. Brigoli.

Sumala ni DSWD Caraga 4Ps Regional Information Officer II Ryan Malbas Tapayan, gawas sa mga LGUs, nitambong usab sa kalihokan ang mga representante gikan sa DSWD-CO Protective Service Bureau, United Nations Population Fund (UNFPA), ug pipila ka personahe sa rehiyonal nga buhatan.

Reklamo Angayang Barugan - SSS

Ni Alex Mapoy

SSS Butuan Assistant Branch Head Arnold Pepino. Photo by
Alex Mapoy

BUTUAN CITY – Gi-angkon sa kadumalahan sa Social Security System (SSS) Butuan nga daghang membro ang nagpaabot og reklamo batok sa pipila ka employer ning rehiyon sa Caraga.

Subay niini, gidasig ni SSS Butuan Assistant Branch Head Arnold Pepino ang tanang reklamante nga magduso og pormal nga reklamo aron ma-aksyonan gilayon kini sa buhatan.

Gitin-aw ni Pepino, importante ang pormal nga reklamo sa membro sanglit mao kini lig-ong basehan alang sa pagahimuong imbestigasyon.

Sumala ni Pepino, kadaghanan sa mga reklamante ang kutob lang sa pagreklamo, apan kon tambagan kini nga magduso og pormal nga reklamo, magdumili usab kini sa paghimo sa kahadlok nga dumtan kini sa ilang employer.

Pasabot sa opisyal, dili angayang mahadlok ang reklamante pagduso og pormal nga reklamo sanglit kaugalingong katungod ang nayatakan sa employer kon ugaling tinuod ang sumbong.

Knowledge Sharing Gipangandaman

Ni Alex Mapoy

PhilRice Agusan del Norte Branch Director Abner Montecalvo. Photo

by Alex Mapoy

RTR, Agusan del Norte – Gipangandaman sa kadumalahan sa Philippine Rice Research Institute (PhilRice) Agusan del Norte ang nagsingabot nga Knowledge Sharing and Learning (KSL) diha sa Brgy. Basilisa, lungsod sa Remedios T. Romualdez (RTR) sakop sa probensya sa Agusan del Norte karong Hulyo 1 ning kasamtangang tuig.

Katuyoan niini ang pagtuki sa kasamtangan ug umaabot pa nga mga hagit sa sektor sa agrikultura nga angayang pangandaman.

Gawas niana, kabahin usab ang nahisgotang kalihokan sa pagpalapad paghatag edukasyon sa mga mag-uuma ingon man ang pagpresentar sa internet-based resource ug mga tools nga makasuporta sa extension intermediaries.

Segon ni Sharen T. Rivas sa PhilRice Agusan del Norte, lauman nga sa maong kalihokan, mabuksan ang mga oportunidad alang sa partnerships tali sa agricultural information ug technology dissemination.

Konsumidor Subleng Gi-abisohan

Ni Alex Mapoy

Lubog nga tubig sa watershed nisangko sa temporaryong pagsuspendi sa operisyon sa mga pasilidad sa Butuan City Water District. Courtesy of BCWD

BUTUAN CITY – Temporaryong gisuspendi sa Butuan City Water District (BCWD) ang operisyon sa mga pasilidad sa Taguibo River Watershed Forest Reserve sa Sitio Iyao, Brgy. Anticala ning siyudad human nasinatian sa watershed area ang pagbundak sa makusog nga ulan.

3 Linog Nitay-og sa Caraga

Ni Alex Mapoy

BUTUAN CITY – Tulo ka higayon nga gitay-og ang rehiyon sa Caraga sa nakalabay’ng semana.

Pinakakusog nga pagtay-og nisukod og 3.4 magnitude ug ang pinakahinay nisukod sa 2.5 magnitude sa Richter scale.

250 Armchairs Gitunol; Obispo Mapasalamaton

Ni Alex Mapoy

As part of the PNoy Bayanihan Program, DENR 13 Regional Director Nonie M. Tamayo has formally turned over 250 armchairs to Bishop Juan de Dios Pueblos, Chairperson of the Caraga Conference for Peace and Development during a simple rite held at the Father Saturnino Urios High School in SIbagat, Agusan del Sur on Wednesday, June 17, 2015. Photo by DENR Caraga Spokesperson Eric Gallego.

SIBAGAT, Agusan del Sur – Napahimuslan na sa mga estudyante sa Father Saturnino Urios High School – Sibagat ang 250 ka mga lingkoranan nga gitunol sa kadumalahan sa Department of Environment and Natural Resources (DENR) Caraga adtong Miyerkules.