Wednesday, June 24, 2015

2 Caraganon Gisilotan sa NPA

Ni Alex Mapoy
Han-ay sa rebeldeng New Peoples Army (NPA) nagpakita nga lig-on ang puwersa. Courtesy of Ka Aris Francisco, spokesperson, Compostela Valley-North Davao-South Agusan Sub-Regional Command. 

BUTUAN CITY – Duha ka mga Caraganon ang gisilotan sa rebolusyonaryong kalihokan human matod pa nakahimo og kasal-anan sa kalihokan ug sa katawhan.

Ang gipangsilotan naila nga sila Alan “Alay” Dalayan, surrenderee, nahimong sakop sa militar ilawom sa Military Intelligence Company (MICO) ug Pedyboy “Bobong” Agwanta pulos mga Butuanon.

Sa sulat ni Ka Omar Ibarra, ang tigpamaba sa New People’s Army ilawom sa Western Agusan Norte-Agusan Sur Sub-regional (NPA-WANAS) Command ang gisilotan sa kamatayon si Dalayan diha sa Brgy. Bit-os sakop ning siyudad adtong Hunyo 5, alas-8:00 ang takna sa buntag pinaagi sa pag-ambush samtang kini nagpahigayon sa pagpaniid sa nasangpit nga barangay.

Gihulagway ni Ka Ibarra nga si Dalayan, isa matod pa ka “notorious surrenderee.”

Pamugos ni Ka Ibarra, wala matod pa kalimti sa rebolusyonaryong kalihokan ang nahimong kasal-anan ni Dalayan bisan kapin isa ka dekada na ang nakalabay sanglit pabiling lab-as matod pa sa panumdoman sa mga nahimong biktima ni Dalayan ang dili makatawhanong buhat.

“He believed that because he lived for more than a decade after becoming a traitor, his offenses to the revolution will be completely forgotten. The record of his offenses to the people and the revolution remained. With the advance of the armed revolution, all records of crimes and offenses will always remain in the memory of the victims. In the end, he was gripped by the high hand of justice,” tipik sa sulat ni Ka Ibarra.

Ang silot kamatayon ngadto kang Dalayan matod pa ni Ka Ibarra ang igong bayad sa nahimo niining sala sa rebolusyonaryong kalihokan ug sa katawhan.

Sa listahan ni Ka Ibarra sa mga sala ni Dalayan, gikawat matod pa sa nahisgotan ang 30 caliber machine gun ug stoke mortar nga gipanag-iyahan sa NPA ug nakigkonsabo matod pa kini sa pulitiko aron ibaligya ang maong tag-as nga kalibre sa armas ngadto sa kasundalohan; gigiyahan matod pa ang tropa sa kagamhanan sa gihimo niining pagpangataki aron matultolan ang gitaguan sa kanhi niini kaubanan nga mga rebelde adtong Mayo 2001; nihimo matod pa kini sa pagpang-harrass, nipabungkag sa hugpong sa mga masa ug pugsanon nga nipa-surrender sa mga yanong sibilyan; gi-waldas matod pa ang pundo sa mga rebelde; ug nakig-alyansa matod pa kini sa pipila ka han-ay nga giilang traydor sa kalihokan sama sa gikaingong bandidong BULIF sa mga lumad.

“1. Stealing a 30 cal. machine gun and a stoke mortar from the NPA and collaborating with a politician to sell it to the AFP.”
“2. Guiding enemy troops in an attack against comrades on the very day he turned his cloak in May 2001.”
“3. Harassment, breaking up of mass organizations and forcing civilians to surrender.”
“4. Misusing the revolutionary movement’s financial resources.”
“5. Close coordination with other traitors in the establishment of the counterrevolutionary bandit BULIF in Lumad communities,” saysay ni Ka Ibarra sa sulat.

Atol matod pa sa adlaw nga gitakdang ilubong ang patay’ng lawas sa nahisgotan, Hunyo 9 ning tuiga, gi-harrass sa walhong grupo ang tropa sa PNP-SAF sa Brgy. Bitan-agan kansang grupo nagpahigayon matod pa og “combat operation” isip kabahin sa paghatag seguridad sa pagbisita ni DILG Secretary Mar Roxas dinhe sa dakbayan.

Sa pikas bahin, gi-angkon usab ni Ka Ibarra nga ang yunit sa NPA-NAWAS maoy ni-ambush kang Agwanta diha sa Brgy. San Mateo ning siyudad adtong Hunyo 7 sa kasamtangang tuig.

Gi-alegahan ni Ka Ibarra si Agwanta nga nakapatay og mag-uuma ug nahimo pa matod pa kining banggiitang mangingilog og yuta sa mga mag-uuma.

Bunga matod pa ni Ibarra sa gibuhat ni Agwanta, daghang pamilyang mag-uuma ang napahawa sa yutang gitikad.

Ang binuhatan matod pa ni Agwanta ang dugay na nga gikasilagan sa mga mag-uuma hinungdan nga nagpatabang ang mga nilupigan sa rebolusyonaryong kalihokan.

Nahimo usab matod pa kining tigpaniid sa San Mateo Police Station ug gi-akusahan pa kini ni Ka Ibarra nga isa ka “illegal drug dealer” hinungdan kini gisilotan.

“A team under NPA-WANAS ambushed the anti-peasant, Pedyboy “Bobong” Agwanta in the afternoon of June 7 in Brgy. San Mateo, Butuan City. Agwanta once killed a peasant and was a notorious landgrabber who has dispossessed numerous families who were evicted from the plots they tilled. His acts were long detested by the peasants who have nothing else to turn to but the revolutionary movement. He was also an active asset of the PNP-South Station in San Mateo, Butuan City and an illegal drug dealer, as well,” pahayag ni Ibarra.

Bahad sa nahisgotan, ang gidangatan matod pa sa duha maoy magsilbing leksyon o pasidaan sa mga tawong naghimo og kasal-anan sa katawhan ingon man sa rebolusyon.

Hinuon, tambag sa walhong grupo, duna pay panahon sa pag-usab.

“The revolutionary movement will continue to purge the oppressive and domineering elements in the barrios of Butuan City. May this serve as a warning to those who have committed crimes and offenses against the people and the revolution. They still have time to change,” bahad sa nahisgotan. 

No comments:

Post a Comment