Kalibog sa NC Levels, Gipasabot

Ni Alex Mapoy

TESDA Caraga Regional Director Florencio Sunico

BUTUAN CITY – Gipasabot sa kadumalahan sa Technical Education and Skills Development Authority (TESDA) Caraga nga ang pagkuha og National Competency (NC), dili kinahanglan nga magsugod sa ubos nga lebel aron lamang makakuha sa taas nga lebel sa eksaminasyon.

Sumala ni TESDA Caraga Regional Director Florencio Sunico, kon unsa ang skills nga anaa sa hingtungdan, mao usab kini ang NC level nga makuha.

Nagtimaan kini nga dili na kinahanglan nga magsugod pa og NC 1 aron lamang maka-eksam sa NC II, NC III, o kaha NC IV.

Kon ang skills sa hingtungdan pang-NC II, ang kuhaon niini nga eksam mao ang pang-NC II.

Gitin-aw ni Sunico, managlahi ang lebel sa skills sa tawo diin kon makahupot kini og NC 1, nagtimaan kini nga “more on the operators; NC II mao na ang lebel pang technicians; NC III mao na ang lebel pang-supervisory; ug NC IV mao ang lebel nga pang managerial.

Ang pagpasabot sa opisyal kabahin sa paghupot og NCs gihimo human nitumaw ang kalibog sa kadaghanan kon obligado ba nga mo kuha una og NC 1 adiser ang mas taas pa nga NC levels.

Subay niini, gi-awhag sa opisyal ang tanang Caraganons nga mo kuha sa technical vocational course aron kon kini makapasar sa assessment, mahimo kining TESDA Certified ug taas ang tsansa nga makasulod og trabaho.