Monday, January 11, 2016

Mina Gipaluyohan sa Militar?

Ni Alex Mapoy
4th Infantry Division Commanding Officer MGen Oscar Lactao
CANTILAN, SURIGAO DEL SUR – Gipamugos sa Armed Forces of the Philippines (AFP) nga walay kalabotan ang kasundalohan sa bisan unsang kalihokang mina sa rehiyon sa Caraga.

Giklaro ni 4th Infantry Division Commanding Officer MGen Oscar Lactao nga wala silay kalabotan sa nagtunhay’ng mina sa rehiyon.

Dugang ni Lactao, dili sila maoy nagmugna og palisiya sa mina sanglit bugtong tahas nga gisangon sa kagamhanan kanila mao ang pagpanalipod sa katawhan.

Mismo si Lactao nagbutyag nga mihatag siya og importansiya sa kinaiyahan hinungdan nga angayan lamang matod pa panalipdan ang rekursos naturales.

Gi-awhag pa sa heneral ang katawhan nga subay sa pagsaulog sa International Humanitarian Law, makatarunganon lamang nga ikondina ang bisan unsang porma sa inhustisya, bayolenteng buhat, armadong pakigbisog, ug panalipdan ang integridad sa teritoryo ug soberenya.

Alang sa opisyal, ang tanan dili lamang ibutang sa hunahuna kondi angayan kining ipakita sa lihok aron makab-ot ang kalinaw ug kalamboan.

"We don't create policies for mining, however, we have the responsibility to protect our people. I am a believer of giving value to our natural environment. We have to advocate in preserving the wonders of nature and proper utilization of these resources. Let us condemn injustices, violence, arm struggle, and protect our terrorial integrity and sovereignity. Everything starts in the mind and by putting them in action through dialogue and concensus, peace and development can be achieved," pahayag ni MGen Lactao. 

No comments:

Post a Comment