Thursday, August 20, 2015

Sundalo Gikantiyawan sa Rebelde; 11 – 0 Patay

Ni Alex Mapoy
Courtesy of National Democratic Front - Philippines (NDFP)
BUTUAN CITY – Gikantiyawan sa New People’s Army - North Central Mindanao Region (NPA-NCMR) ang 4th Infantry Division, Philippine Army human nalupig matod pa sa pito ka operisyon diin napatyan kini og 11 ka buok, daghan ang angol samtang sa ilahang habig ang matod pa, zero sa unang semana ning kasamtangang bulan.

7 Armadong Grupo, Hulga sa Seguridad

Ni Alex Mapoy
BUTUAN CITY – Giilang hulga sa seguridad sa mga Lumad ning rehiyon ang presensiya sa nagkadaiyang grupo nga paramilitar nga maoy hinungdan sa kalit nga pagpamakwit sa apektadong residente kinsa nanimuyo sa hilit nga mga dapit ning rehiyon.

Nahimong hulga sa komunidad sa mga lumad ang Bagani Force, Magahat, Salakawan, Wild Dog, Lubog, Alsa Masa, Bongkatol Liberation Front (BULIF).

Sumala ni Kahugpungan sa mga Lumadnong Organisasyon (KASALO) Caraga Spokesperson Josephine Pagalan, ang nahisgotang mga grupo maoy nihimo sa pagpanghasi, pagpanghadlok, pagpaniktik, ug naghimo’g kremin sa komunidad.

Pagtaas sa Tourist Arrival, Nahimong Hagit

Ni Alex Mapoy
BUTUAN CITY – Dakong hagit sa kadumalahan sa Department of Tourism (DOT) Caraga ang padayon nga pagsaka sa ihap sa mga langyaw nga maglulinghayaw ning rehiyon.

Sa datos, tuig 2013, nilagpas og 15.74% ang tourist arrivals samtang 17.79% ang gisaka sa nakalabay’ng tuig 2014.

Ning tuiga, tinguha sa rehiyonal nga buhatan nga padayon nga mo saka o malabwan ang ihap sa tourist arrivals sa nakalabay’ng tuig ning rehiyon adiser mahuman ang kasamtangang tuig.

Pinasubay sa pinakaulahing datos sa buhatan nga gihikyad ni DOT Caraga Administrative Aide III Kristine Joy Shalom P. Carlos, sa unang tulo ka bulan ning tuiga, nalabwan ang ihap sa tourist arrivals sa nakalabay’ng tuig sa samang period.

Water Source, Gipailawom sa Maintenance


Ni Alex Mapoy
BCWD Senior Public Relations Officer
Ramil S. Barquin
BUTUAN CITY – Upat ka oras nga gipailawom sa maintenance ang tinubdan sa tubig sa Butuan City Water District (BCWD) kagahapong adlawa.

Nagsugod ang maong maintenance sa Sitio Iyao, Brgy. Anticala sakop ning siyudad, ala-1:00 hangtod alas-4:00 sa hapon.

Subay niini, nasinatian sa tanang konsumidor ang hinay nga agas sa tubig samtang ang ubang dapit ang walay agas.

Butyag ni BCWD Senior Public Relations Officer Ramil S. Barquin, tibuok service area ang na apektohan sa maong aktibidad sanglit ang maintenance didto gihimo sa tinubdan sa tubig.

Dugang ni Barquin, pipila ka mga dapit ang nakasinati sa hinay nga pressure, apan kadtong nahimutang sa tumoy nga bahin sa service coverage ang nakasinati sa pagkawala sa suplay.

“BCWD ADVISORY (Aug. 20, 2015; 10:45): Entire service area will experience low pressure while end points of the system may be waterless today, from 1:00pm to 4:00pm, due to maintenance activity at the water source in Iyao, Anticala,” mensahe ni Barquin.

21 Pagpangataki Gibida sa NPA

Ni Alex Mapoy
Photo courtesy of National Democratic Front of the Philippines
BUTUAN CITY – Gipasigarbo sa kadagkoan sa New People’s Army - North Central Mindanao Region (NPA-NCMR) ang 21 ka mga pagpangataki nga gihimo sa nagkadaiyang bahin sa isla sa Mindanao diin matod pa, nahimo kining nagmalamposon.

Kampanya Batok Druga Gipakusgan

Ni Alex Mapoy
Gipasabot ni PInsp. Cesar Elan Gealogo ang tanang nanambong kabahin sa dautang epekto sa druga, bino, ug siragilyo sa lawas sa tawo. Photo courtesy of Alegria MPS
ALEGRIA, Surigao del Norte – Mas gipahugtan sa kapulisan ang kampanya batok druga sa lungsod sa Alegria sakop sa probensya sa Surigao del Norte.

Kampanya sa Claver MPS, Gipakusgan

Ni Alex Mapoy
Claver MPS Personnel PO1 Jovilen D. Cantila, Asst. WCPD/ Asst. PCR PNCO nanghatag og leaflets sa mga ginikanan ug magtutudlo sa Claver Central Elementary School. Photo courtesy of Claver MPS
CLAVER, Surigao del Norte – Gipakusgan sa kadumalahan sa Claver Municipal Police Station (MPS) ang kampanya pagpahibalo sa kabataan kabahin sa batakan niining katungod.

Preventive Measures Batok Chikungunya Gipagawas

Ni Alex Mapoy
Awhag ni DOH Caraga Regional Director Dr.
Jose Llacuna, Jr. nga sundon ang preventive
measures nga gihatag sa ahensya aron
mapugngan ang pagkaylap niini.
BUTUAN CITY – Nipagawas gilayon ang kadumalahan sa Department of Health (DOH) Caraga og abiso ngadto sa publiko human nakatala og 82 ka mga kaso sa Chikungunya ang lungsod sa Esperanza sakop sa probensya sa Agusan del Sur sukad adtong Mayo 21, 2015

Unod sa abiso ni DOH Caraga Regional Director Dr. Jose Llacuna, Jr. ang napulo ka mga preventive measures kon unsaon nga malikayan ang maong sakit ug usab mapugngan ang posibleng pagkaylap niini.

Sumala ni Dir. Llacuna, butangan og screen ang pultahan, bentana o kaha mosketero ang higdaanan aron dili kini mapaakan sa lamok nga posibleng nagdala sa maong sakit.

Dugang ni Dr. Llacuna, likayan ang pagpundo og tubig sa mga abre nga container, balde, barrel ug kaang aron dili kini mahimong itloganan sa mga lamok.

Batasanon ang pagsul-ob og sapot nga taas ang bukton labi na panahon sa ting-ulan o daut ang panahon aron dili makahigayon ang lamok sa pagpaak sanglit matabunan ang panit.

Tuesday, August 18, 2015

STEP Program, Angayang Hangpon

Ni Alex Mapoy
BUTUAN CITY – Gitambagan ang publiko nga gustong mo avail sa Special Training for Employment Program (STEP) sa Technical Education and Skills Development Authority (TESDA) Caraga nga makig-alayon sa buhatan sa kongresista sa matag probensya.

Tumong niini nga malakip sa listahan sa maka-avail sa naasoy’ng programa diin ang slots nga gihanyag ang limitado lamang.

Sumala ni TESDA Caraga Specialist 1 Robert Roperos, ang mga kongresista maoy magkontrola sa naasoy’ng programa.

Kadtong benepisyaryo nga makahuman sa skills training ug makahupot og National Certificate (NC) ang hatagan kini sa libreng toolkits sa ingon magamit gilayon ang nakat-onang kahibalo.

Tourist Arrivals sa Caraga Nisaka

Ni Alex Mapoy
Pipila sa mga personahe sa Department of Tourism (DOT) Caraga kinsa nagtinabangay pagmonitor sa tourist arrivals ning rehiyon. Photo by Alex Mapoy
BUTUAN CITY – Gipasigarbo sa Department of Tourism (DOT) Caraga ang pagsaka sa ihap sa tourist arrivals ning rehiyon sa unang kwarter ning tuiga.

P711M Infra Projects, Giduso sa RPAB Caraga

Ni Alex Mapoy
RPAB Members headed by RD Edna Mabeza signs the resolution endorsing P711 worth of sub-projects for PRDP funding. Photo courtesy of RPCO-13 InfoACE Emmylou T. Presilda
BUTUAN CITY – Giduso na sa Caraga Regional Project Advisory Board (RPAB) ang halos P712 million Infrastructure Projects proposal sa nagkadaiyang Local Government Units (LGUs) ning rehiyon human hingpit nga na aprubahan sa duha ka adlaw nga deliberasyon nga gipahigayon sa nakalabay’ng semana.

Chikungunya Outbreak, Ideklara sa Agusan del Sur?

Ni Alex Mapoy
“Let us be responsible inhabitants. Destroy all mosquito vector breeding sites, protect your skin from mosquito bites by wearing appropriate clothes,” awhag ni DOH Caraga RD Dr. Jose Llacuna
ESPERANZA, Agusan del Sur – Namiligro karon ang lungsod sa Esperanza Agusan del Sur nga ipailawom sa Department of Health (DOH) Caraga sa Chikungunya Outbreak human nagkataas ang ihap sa mga nataptan sa maong sakit.

Monday, August 17, 2015

Kalamidad Gipangandaman sa Kapulisan

Ni Alex Mapoy
DRILLING: Gipailawom sa kapulisan sa Carmen 
Municipal Police Station ang tanang magtutungha sa 
Carmen National High School sa earthquake, fire,
 ug tsunami drilling sa tinguna nga malikayan ang 
dakong kadaut nga ihatod sa kalamidad. 
Photo courtesy of Carmen MPS
CARMEN, Agusan del Norte – Gipangandaman sa liderato sa Carmen Municipal Police Station (MPS) ang posibleng pag-igo sa nagkadaiyang porma sa kalamidad sa naasoy’ng lungsod.

Nakig-alyansa ang kapulisan sa pagpanguna ni OIC PSI Edgar Allan G. Serquiña sa Carmen MPS ngadto sa Bureau of Fire Protection (BFP) Carmen, ug Carmen Rescue Team aron mahilikay ang mga Carmenanon sa dakong kadaut nga ihatod unya sa katalagman.

Pipila sa kalamidad nga gipangandaman mao ang pag-igo sa kusog nga linog, paghapak sa tsunami, ug posibleng pag-ulbo sa kalayo.

Alayon niini, gipailawom ang tanang magtutungha sa Carmen National High School sa usa ka komprehensibo nga drilling sa pagpanguna ni PSI Serquiña uban sa pag-abag sa mga counterparts.

P1M Multa Ipahamtang sa Meat Vendor

Ni Alex Mapoy
MULTA: Gipaneguro ni Dr. James Cabrera sa NMIS Caraga nga multahan hangtod P1,000,000 kadtong meat vendor nga malapason sa Administrative Order No. 6 (Hygienic Handling of Chilled, Frozen, and Thawed Meat in Meat Market). Photo by Alex Mapoy
BUTUAN CITY – Dako nga multa ang ipahamtang batok sa mga negosyante og karne kon magmagahi kini pagsunod sa patakaran kabahin sa pagbaligya sa mga inangkat nga karne nga gikan sa gawas sa nasod.

3 Barangay Giilogan

Ni Alex Mapoy
Gihisgotan sa Municipal Census Coordinating Council (MCCC) ang posibleng sulbad sa konplikto sa luna nga gipanag-iyahan tali sa LGU Alegria ug LGU Kitcharao diin tulo ka barangay ang na sulod niini. Photo courtesy of Alegria MPS
ALEGRIA, Surigao del Norte – Tulo ka mga barangay ang giilogan tali sa lungsod sa Alegria, Surigao del Norte ug Kitcharao, Agusan del Norte human na sulod kini sa giilogang luna sa naasoy’ng mga lungsod.

Immunization Gi-isnab sa Pipila ka Ginikanan

Ni Alex Mapoy
VACCINATION: Hulagway sa mga bata nga gibakunahan sa mga personahe sa Department of Health (DOH) Caraga. Photo courtesy of PIA Caraga
BUTUAN CITY – Pipila ka mga  ginikanan ning rehiyon ang ni-isnab sa gihimong pagpamakuna sa Department of Health (DOH) Caraga ngadto sa kabataang magtutungha partikular na ang mga nagtungha sa Grade 1 ug Grade VII.

Bulan sa mga Lumad, Gisaulog

Ni Alex Mapoy
BUTUAN CITY – Niduyog ang Kahugpungan sa mga Lumadnong Organisasyon (KASALO) Caraga sa pagsaulog sa Bulan sa mga Lumad.

Sumala ni Kasalo Caraga Secretary General Genasque B. Enriquez, angay saulogon sa katawhang lumad ang dakong kadaugan nga naabot bunga sa malahutayong pakigbisog sa katawhang lumad aron mabatokan ang madaugdaugong hut-ong.

Gi-awhag ni Enriquez ang katawhan nga ipadayon ang lumadnong kalihokan sa tibuok rehiyon Caraga aron mapanalipdan ang yutang kabilin, kaugalingong paghukom, ug lumadnong kultura.

Pamugos ni Enriquez, angayan lamang ipadayon ang pakigbisog aron dili molampos matod pa ang hakog nga tinguha sa gobernong Aquino ug higanteng korporasyon sa pagmina, proyektong pang-enerhiya, ug uban pang proyektong pangkalamboan.

No Water Rate Increase, Gipasalig

Ni Alex Mapoy
VISITATION: Gisusi sa Butuan Global Forum ang Public-Private Partnership (PPP) Treated Bulk Water Project sa Sitio Iyao, Brgy. Anticala ning siyudad uban ang kadagkoang opisyal sa water district. Photo courtesy of BCWD

BUTUAN CITY – Mismo si Butuan City Water District (BCWD) General Manager Engr. Anselmo Sang Tian ang niklaro nga kon mahimong fully operational na ang PPP Treated Bulk Water Project, walay umento sa singil sa tubig sulod sa unang tulo ka tuig.

Usec Ignacio, Nakigtagbo sa mga Lumad

Ni Alex Mapoy
NAKIGTAGBO: DENR Usec for Field Operations Demetrio L. Ignacio meets the tribal chiefs of Esperanza and La Paz, Agusan del Sur. In photo, Regional Director of DENR 13 Nonie M. Tamayo, OIC, PENRO Roberto Oliveros, OIC, CENR Officer Luis Gonzaga and OIC, CENR Officer Jerome Albia. Photo courtesy of Eric Gallego
BUTUAN CITY – Nilawas nga nakigtagbo si Department of Environment and Natural Resources (DENR) Undersecretary for Field Operations Demetrio L. Ignacio sa mga datu sa lumad sa duha ka lungsod sa Esperanza ug La Paz Agusan del Sur.