Monday, August 17, 2015

3 Barangay Giilogan

Ni Alex Mapoy
Gihisgotan sa Municipal Census Coordinating Council (MCCC) ang posibleng sulbad sa konplikto sa luna nga gipanag-iyahan tali sa LGU Alegria ug LGU Kitcharao diin tulo ka barangay ang na sulod niini. Photo courtesy of Alegria MPS
ALEGRIA, Surigao del Norte – Tulo ka mga barangay ang giilogan tali sa lungsod sa Alegria, Surigao del Norte ug Kitcharao, Agusan del Norte human na sulod kini sa giilogang luna sa naasoy’ng mga lungsod.

Ang nahisgotang mga barangay gilangkoban sa Barangay Ombong, Barangay Julio Ouano, ug Barangay Gamuton.

Napukaw ang maong isyu tungod sa nagpadayon nga Population Census 2015 nga gipasiugdahan sa Philippine Statistics Authority (PSA).

Ang mga residente sa maong mga barangay ang naglibog usab kon asa sila nga lungsod nga na sakop labi na nga duha ka lungsod ang niangkon kanila.

Subay niini, usa ka special meeting ang gipahigayon sa lokal nga kagamhanan sa Alegria, Surigao del Norte sa LGU Eco-Park GAZEBO, Brgy. Gamuton sakop sa maong munisipyo.

Nanguna sa tigom sa Municipal Census Coordinating Council (MCCC) si Alegria Municipal Mayor Dominador G. Esma.

Gituki sa tigom ang pagpangita og paagi aron hingpit nang masulbad ang konplikto lambigit sa inilogay sa duha ka lungsod sa tulo ka mga barangay human na sulod kini sa giilogang luna.

Subay niini, nakahimo og rekomendasyon ang tanang nanambong ug ila kining iduso ngadto sa hingtungdang ahensya aron mahatagan na sa saktong husay ang maong isyu.

Pipila sa mga nitambong sila SPO4 Lovello C. May-as, mga membro sa MCCC, mga piniling opisyales sa lungsod, ug mga opisyales sa nahisgotang mga barangay.

“Such meeting was conducted in light of the issues caused by the on-going Population Census 2015 of the NSO involving some parts of this municipality specifically in Barangay Ombong, Julio Ouano and Gamuton falling within the contested area with the Municipality of Kitcharao. Such activity was conducted to discuss possible means of resolving conflict and make recommendations or request to proper authority for appropriate action.”

No comments:

Post a Comment