Thursday, August 20, 2015

Kampanya sa Claver MPS, Gipakusgan

Ni Alex Mapoy
Claver MPS Personnel PO1 Jovilen D. Cantila, Asst. WCPD/ Asst. PCR PNCO nanghatag og leaflets sa mga ginikanan ug magtutudlo sa Claver Central Elementary School. Photo courtesy of Claver MPS
CLAVER, Surigao del Norte – Gipakusgan sa kadumalahan sa Claver Municipal Police Station (MPS) ang kampanya pagpahibalo sa kabataan kabahin sa batakan niining katungod.

Subay niini, gilibot sa kapulisan ang tanang eskwelahan sakop sa maong lungsod aron ipanghatag ang mga leaflets diin nakalatid niini ang batakang katungod sa kabataan.

Si PO1 Jovilen D. Cantila, Asst. WCPD/ Asst. PCR PNCO sa Claver MPS nakatunol og 30 ka mga leaflets ngadto sa mga ginikanan ug magtutudlo atol sa pagbisita sa Claver Central Elementary School sakop sa maong lungsod.

“Claver MPS Personnel PO1 Jovilen D. Cantila, Asst. WCPD/ Asst. PCR PNCO distributed thirty (30) Leaflets to the Parents and Teachers during School Visitation at Claver Central Elementary School, Claver, Surigao del Norte. The leaflets contain information about Rights of a Child.”

Gihingusgan sa kapulisan ang maong kampanya aron mintras anaa pa sa linghod ang edad ang mga nahisgotan, masayod na kini sa ilang batakang katungod.

Labot niana, masayod usab ang mga ginikanan ingon man magtutudlo sa ilang limitasyon pagdisiplina sa kabataan.

Alayon niini, gidayeg sa mga ginikanan ingon man magtutudlo ang lakang gihimo sa kapulisan sa maong lungsod kinsa isa sa nitabang sa kabataan nga mahimo kining hitsas sa kahibalo sa higayon  nga mo hingkod na ang edad.

Hisayran nga dili lang mga eskwelahan ang gilibot sa kapulisan kondi lakip na ang kabalayan aron itunol ang nahisgotang mga leaflets diin nakalatid ang unod sa Akta Republika 9262 ug Magna Carta. 

1 comment: