Thursday, August 20, 2015

21 Pagpangataki Gibida sa NPA

Ni Alex Mapoy
Photo courtesy of National Democratic Front of the Philippines
BUTUAN CITY – Gipasigarbo sa kadagkoan sa New People’s Army - North Central Mindanao Region (NPA-NCMR) ang 21 ka mga pagpangataki nga gihimo sa nagkadaiyang bahin sa isla sa Mindanao diin matod pa, nahimo kining nagmalamposon.

Ang nahisgotang mga pagpangataki nahitabo sa mga bulan sa Hunyo ug Hulyo diin puntirya sa grupo ang militar ug kapulisan.

Sumala ni Ka Allan Juanito, tigpamaba sa NPA-NCMR, malamposon nga nailog sa guerrilla units ang 16 ka mga klase sa armas, 20 ka mga sakop sa kaaway ang napatay, ug 12 usab ang samaron sa tropa sa kagamhanan.

Taliwala sa nahimong kalamposan, giangkon ni Ka Juanito nga duha sa ilang kaubanan ang napatay sa engkwentro butang nga ilang gisaludohan tungod sa pagbuhis sa ilang kinabuhi sa ngalan sa kawsa.

“Throughout June and July, 2015, the New People’s Army in North Central Mindanao Region successfully launched through its various guerilla units 21 military actions against reactionary troops and policemen. With these actions, the NPA seized 16 assorted firearms. The enemy troops suffered 20 fatalities and more than 12 were wounded. Meanwhile, the whole revolutionary forces in the region render their salute to the two comrades who heroically gave their lives in these battles,” pahayag ni Ka Juanito.

Ang nahisgotang mga pagpangataki nahitabo sa Brgy. Bit-os, Butuan City; Sitio Camansi, Brgy. Banglay, Lagonglong, Misamis Oriental; Purok 7, Brgy. Imbayao, Malaybalay City, Bukidnon; Sitio Camansi, Brgy. Banglay, Lagonglong, Misamis Oriental; Brgy. Bitan-agan, Butuan City; Brgy. Olave, Buenavista, Agusan del Norte; Sitio Hall Mahayag, Brgy. Namnam, San Fernando, Bukidnon; Brgy. Bulahan, Claveria, Misamis Oriental; Sitio Lamusig, Brgy. San Mateo, Butuan City; Sitio Caimito, Brgy. Tungao, Butuan City; Brgy. Sangay, Buenavista, Agusan del Norte; Brgy. Alagatan, Gingoog City; Sitio Palo, Brgy. Hindangon, Gingoog City; Mt. Kitanglad, Brgy. Lilingayon, Valencia City, Bukidnon;

Gitin-aw ni Ka Juanito, gihimo ang maong pagpangataki subay sa nagkaupos nga pang-goberno ni Pangulo Noynoy Aquino kinsa matod pa pabiling nagpaka-itoy sa imperyalistang Estados Unidos.

Karon pa lang, gipamugos sa nahisgotan nga pakyas ang rehimeng Aquino pagbungkag sa rebeldeng grupo pinaagi sa gipakusgan nga Oplan Bayanihan tungod sa serye nga mga kalamposan nga nahimo sa walhong grupo. 

No comments:

Post a Comment