Thursday, May 14, 2015

Priority Courses Alang sa Caraga Gidiga

Angayang kuhaon ang kurso nga nasulod sa priority sa CHED 
Caraga sanglit in-demand kini sa labor market ning rehiyon, 
awhag ni CHED Caraga Chief Education Program 
Specialist Engr. Ramil A. Sanchez
BUTUAN CITY – Gi-angkon sa Commission on Higher Education (CHED) Caraga nga pipila ka mga kurso ning rehiyon ang nahimong “oversubscribed” samtang ang ubang kurso nga gikinahanglan alang ning rehiyon ang diyutay lamang ang nikuha.

Subay niini, gidiga sa komisyon ngadto sa tanang estudyante nga taga – Caraga nga angayang kuhaon ang mga kurso nga halos gilangaw panahon sa enrolment, apan “in-demand” kini pag-ayo sa rehiyon.

Butyag ni CHED Caraga Chief Education Program Specialist Engr. Ramil A. Sanchez, ang gidiga nga mga kurso o nagsilbing “priority courses” maoy angayan nga kuhaon sa mga estudyante sanglit taas kaayo ang tsansa nga paghuman niini, dunay masudlan nga trabaho.

Sa Agricultural and related fields mahimong kuhaon sa estudyante ang  Agro-Forestry, Veterinary Medicine, Agricultural Engineering, Agribusiness/Management, Agricultural Entrepreneurship, Agricultural Technology, Agriculture, Fisheries, BS Food Technology, o kaha Agricultural Economics. 

Alang sa Engineering, mas maayong kuhaon ang Mechanical, Electronics, Communication, Metallurgical/Mining, Computer, Biomedical, Chemical, Industrial Engineering, Electronics and Communication Engineering. Geodetic, Electrical, Meteorological, Mining, Geological, Sanitary Engineering, Civil Engineering, Petroleum Engineering, ug Bio-Chemical Engineering

Maayo usab kuhaon sa estudyante ang mga kurso ilawom sa Science and Math sama sa BS Mathematics, BS Physics, BS Biology, BS Chemistry, BS Marine Biology/Science, BS Applied Physics, BS Geology, BS Earth Science, BS Applied Mathematics, BS Statistics/Applied Statistics, Atmospheric Science, ug Environmental Science

Niadtong ganahan sa Information Technology, mahimong kuhaon ang Multimedia, Animation, Programming, Information Technology and Computing Studies, Bachelor in Library Science and Information System Major in System Analysis, Computer Science, o kaha Information System Management.

Sa mga nagplano nga mo kuha og Teacher Education, mas maayo nga kuhaon ang major in Mathematics, Science, Physics, Chemistry, Reading, English, Art Education, Physical Education and Sports Science, Bachelor of Physical Education major in  School PE, Environmental Planning (for teacher), Educational Media/Technology, Special Education (SPED), Human Kinetics, Early Childhood Education, MAPEH, Music Education, o kaha Health Education.

Alang sa mahiligon sa Health Sciences, mahimong kuhaon ang Pharmacy, Radiology Technology, Medical Technology, Physical Therapy, o kaha BS Nutrition.

Sa Arts and Humanities, mahimong kuhaon ang Creative and Performing Arts, BS Religious Education, BS Philosophy, o kaha BS Theology

Na sulod usab sa Social and Behavioral Sciences ang BS Psychology, BS Social Work, Human Development, ug Guidance and Counselling

Sa Business Administration and Related Courses maayong kuhaon ang BS Accountancy, Business Data Outsourcing, Business Process Outsourcing, Construction Management, o kaha Tourism

Niadtong gusto og Architecture, mahimong kuhaon ang BS Architecture, Landscape Architecture, Interior Design, Environmental Planning, Fine Arts, o kaha Urban Planning.

Sa Maritime, mas maayong kuhaon ang BS Marine Transportation.

Nindot usab sa Communication ang BA Communication, BA Journalism, BA Broadcasting, o kaha BS Development Communication.

Mahimo usab nga kuhaon ang BS Marine Engineering, BS Midwifery, BS Accounting Technology, o kaha Bachelor of Elementary Education.

Gitin-aw sa opisyal, ang kursong nursing wala na apil sa priority courses sa komisyon sanglit daghan ang nagkuha niini diin ang uban nga ni-gradwar pabilin nga wala nakatrabaho tungod sa kadaghan sa nakahuman niini.

No comments:

Post a Comment