Fortun Nihangyo sa Tanang Kandidato

Ni Alex Mapoy

Agusan del Norte First District Congressman
Lawrence Fortun

BUTUAN CITY – Niapela ang kongresista sa Agusan del Norte sa tanang magpapili sa umaabot nga piliay nga hatagan sa saktong impormasyon ang katawhan ug dili hatagan sa mga bakak nga kasayoran.

Ang apela sa magbabalaud gihimo pipila ka adlaw adiser moabot ang mga adlaw’ng gitakda sa Commission on Election (Comelec) ngadto sa tanang molansad pagduso sa opisyal niining certificate of candidacy (CoC).

Hisayran nga bisan wala pa ang campaign period, nagsugod na ang mga tigpamaba sa mga pulitiko pagsabwag sa mga bakak nga kasayoran ug hag-as nga pagpangdaut ngadto sa kaatbang sa pulitika.

Sumala ni Agusan del Norte First District Congressman Lawrence Fortun, dakong sayop ang maong sistema sanglit ang pagbuhat sa ingon, sama ra nga gilingla sa mga pulitiko ang katawhan aron dili makapili og sakto sa mga kandidato nga angay unta ibutang sa puwesto.

NPA Member, Gidasig sa Rebel Returnees

Ni Alex Mapoy

BUTUAN CITY – Angayang mobalik na sa sabakan sa kagamhanan ug biyaan ang armadong pakigbisog aron makabaton sa hapsay, malinawon, ug malamboon nga pamuyo.

Ekonomiya Gilaumang Mosulbong

Ni Ale Mapoy

BCWD Senior Public Relations Officer
Ramil S. Barquin

BUTUAN CITY – Napanglantawan sa Butuan City Water District (BCWD) nga mas mo sulbong ang ekonomiya sa isa ka barangay ning siyudad, sa higayong mahimong fully operational ang gimuntar nga pasilidad.

Gawas niana, maserbisyohan usab ang mga estudyante gikan sa 86 ka mga barangay ning dakbayan kinsa nagtungha sa Colegio de Liga ng mga Barangay.

Sumala ni BCWD Senior Public Relations Officer Ramil S. Barquin, bag-ohay lang nahuman ang pipeline expansion project nga nagsumikad sa Barangay Lemon padulong sa Barangay Pigdaulan.

Dugang ni Barquin, ang maong proyekto naglangkob sa 3,252 linear meters sa 4-inch diameter uPVC pipes nga maoy maghatag dalan nga maserbisyohan sa water district ang naasoy’ng barangay.

“It is also expected to spur economic developments in the area, as having access to potable and safe water is a requisite for investments to come in to an area,” lantaw ni Barquin.

Utilization sa Scholarship Grants, Gipaningkamotan

Ni Alex Mapoy

BUTUAN CITY – Gipaningkamotan sa buhatan sa Technical Education and Skills Development Authority (TESDA) Caraga nga ma-utilize ang kinatibuk-ang slots sa duha ka mga programa adiser mahuman ang kasamtangang tuig.

Hisayran nga lagpas na sa katunga ang mga slots nga nagamit sa duha ka mga scholarship grant nga naglangkob sa Training for Work Scholarship Program (TWSP) ug Private Education Student Financial Assistance (PESFA).

Sa datos nga gipagawas ni TESDA Caraga Scholarship Program Regional Focal Person Lenneth Salina penetsahan, Septembre 30, 2015, ang TWSP anaa na sa 66.37% katumbas sa 3,223 ang na utilized samtang 69.93% katumbas sa 572 ang na utilized sa kinatibuk-ang slots sa PESFA.

Lumad Killings Dunggon

Ni Alex Mapoy

BUTUAN CITY – Pormal nang sugdan sa Committee on Justice & Human Rights joint with Committee on Cultural Communities ang duha ka adlaw nga “Senate Probe on Lumad Killing” sa Mangcagangi and Linungao Halls, Villa Maria Luisa (VML) Hotel sa dakbayan sa Tandag karong adlawa, ala-1:00 sa hapon ug ugma, adlaw’ng Bernes.

Sa impormasyon sa Philippine Information Agency (PIA) Caraga pinaagi ni Jennifer P. Gaitanom pangunahan ni Senator Teofisto “TG” Guingona III ang nahisgotang pagdungog uban ang 12 ka dinapit nga mga resource persons nga maglangkob nila AFP chief of staff Gen. Hernando Iriberri, PNP chief Gen. Ricardo Marquez, CHR chair Jose Luis Martin “Chito” Gascon, Atty. Leonor Oralde-Quintayo, DILG Secretary Mel Senen Sarmiento, DSWD Sec Dinky Soliman, DepEd Sec. Armin Luistro, DOJ Sec. Leila De Lima, ug DND Sec. Voltaire Gazmin.

Legal Front sa NPA Gibulgar

Ni Alex Mapoy

Julieto P. Canoy, alias Ka Boom 

BUTUAN CITY – Walay lipud-lipod nga gibulgar sa kanhi New Peoples Army (NPA) commander ang mga grupo nga nagsilbi matod pa nga legal front sa armadong pakigbisog.

Gikabutyag ni Julieto P. Canoy, alias Ka Boom kinsa nahimong kumander sa armadong grupo sulod sa taas nga katuigan atubangan sa mga media nga daghang grupo ning rehiyon ang nahimong legal front sa partidong komunista.

Naglihok ang nahisgotan sa armadong pakigbisog sulod sa 31 ka tuig hinungdan nga mas lapad ang kasayoran sa nahisgotan kon unsa nga mga grupo ang hugot nga nagsuporta sa walhong grupo.

Dugang ni Ka Boom, ang ilado nga mga legal front sa NPA, nakakuha na og puwesto sa Kamara de Representantes human nahimong party-list.

Kagubot sa Tribo, Angayang Sulbaron - VICTIM

Ni Alex Mapoy

VICTIM Convenor Arthur Tariman

BUTUAN CITY – Tinguha sa Victims of Injustice, Criminality & Terrorism in Mindanao (VICTIM) nga mahunong na mahunong ug mahatagan sa tino nga kasulbaran ang nikaylap nga kagubot sulod sa tribo ning rehiyon hinungdan kini nanginlabot.

Gikabutyag ni VICTIM Convenor Arthur Tariman, angayan nga magtinabangay ang Armadong Kusog sa Pilipinas, mga piniling opisyal sa kagamhanan, ug lideres sa mga lumad aron mahatagan sa mas paspas ug komprehensibong sulbad ang maong kagubot.

Dugang ni Tariman, mahatagan lamang og sulbad ang maong kagubot pinaagi sa paghimo og lakang nga haum sa pamaagi sa tribo – ang pagpahigayon og Tampudah (peace pact).

Bagani Walay Salig sa Goberno

Ni Alex Mapoy

BUTUAN CITY – Gitumbok nga ang kawalay salig sa membro sa Bagani ngadto sa goberno maoy hinungdan nganong wala kini hingpit nga ni-surrender sa kagamhanan.

13th Month vs Lugi, Ihatag - NLRC

Ni Alex Mapoy

Caraga Administrative Officer V Robert M. Aying

BUTUAN CITY – Dili himuong rason sa employer nga alkansi kini sa negosyo aron makalikay paghatag sa 13^th Month Pay ngadto sa mga empleyado.

Gikabutyag ni National Labor Relations Commission (NLRC) Caraga Administrative Officer V Robert M. Aying, alkansi man ang negosyo, gimandoan sa Presidential Decree 851 o mas nailang 13^th Month Pay Law ang tanang employer paghatag sa makiangayon nga 13^th Month Pay kada tuig.

Eskwelahan Gibisita sa LWUA

Ni Alex Mapoy

BCWD Senior Public Relations Officer Ramil S. Barquin

BUTUAN CITY – Duha ka eskwelahan sa dakbayan sa Butuan ang gibisita sa mga kadagkoang opisyal sa Local Water Utilities Administration (LWUA) Buhay KYUT program.

Gilangkoban kini sa Riverside Central Elementary School ug Riverside Integrated High School.

Sumala ni Butuan City Water District (BCWD) Senior Public Relations Officer Ramil S. Barquin, nakabisita ang LWUA sa nahisgotang mga tunghaan human niuban kini sa water district sa gipahigayong Bisita Eskwela.

Cloud Seeding Gimando

Ni Alex Mapoy

Agriculture Secretary Proceso Alcala 

BUTUAN CITY – Gimandoan na ni Agriculture Secretary Proceso Alcala ang tanang rehiyonal nga direktor sa ahensya sa agrikultura nga magpahigayon og cloud seeding labi na niadtong mga rehiyon nga apektado sa El Niño phenomenon.

Butyag ni Sec. Alcala, katuyoan niini nga matabangan ang mga mag-uuma sa tibuok nasod labi na sa paghatag tubig sa basakan.

Dugang sa kalihim, angay matubigan ang basakan aron matabangan ang mga mag-uuma nga dili maapektohan pag-ayo ang pananom ug usab dili kini malugi.

“Actually po, as early last year, nag-start na po tayo nag-intervene. Whenever na meron po tayong C-Double Clouds na makikita, ang instruction po sa lahat na region sa buong bansa ay mag-cloud seeding na outright,” pahayag ni Sec. Alcala

Line-Up sa Bando Lawig, Gideklara

Ni Alex Mapoy

BUTUAN CITY – Pormal nang gideklara sa Bando Lawig ang opisyal nga line-up nga maoy mosabak sa nagsingabot nga piliay sunod tuig sa Big Daddy’s Convention Center sa dalang J.C Aquino ning siyudad kagahapon sa hapon.

Alegasyon sa Mayor, Gihimakak

Ni Alex Mapoy

BUTUAN CITY – Gipanghimakak ni Congressman Lawrence Fortun ang tulo ka isyu nga gibato ni Butuan City Mayor Dr. Ferdinand Amante, Jr.  nga siya traydor sa partido, nagpagawong sa negosyante, ug mangingilog og proyekto.

Mid-Autumn Festival Gisaulog

Ni Alex Mapoy

BUTUAN CITY – Simple, apan puno sa kamaya ang mga Filipino Chinese nga nagtigom aron saulogon ang Mid-Autumn Festival diha sa Big Daddy Hotel and Convention Center sa dalang J.C Aquino ning siyudad sa Butuan adtong Sabado sa gabii.

Monthly Remittance Angay Susihon

Ni Alex Mapoy

Transaksyon sulod sa Social Security System (SSS) Butuan. 

BUTUAN CITY – Gidasig ang tanang membro sa Social Security System (SSS) nga angayang regular nga susihon ang monthly remittance.

Sec Alcala Mahidangat sa Caraga

Ni Alex Mapoy

BUTUAN CITY – Gikomperma ni Department of Agriculture (DA) Caraga Public Relations Officer II Aurelius P. Arais nga mahidangat karong adlawa, Lunes si Agriculture Secretary Proceso Alcala.

Sa impormasyon nga gipaabot ni Arais, alas-7:00 sa buntag, mahiabot na si Sec. Alcala sa rehiyonal nga buhatan dinhe sa siyudad ug sugaton sa mga kadagkoang opisyal sa buhatan sa pagpanguna ni DA Caraga Regional Director Edna Mabeza.

Tuyo matod pa ni Sec. Alcala mao ang personal nga pagtambong sa pagahimuong turnover ceremony sa mga dagkong proyekto nga gipatuman sa probensya sa Agusan del Sur.

Symposium Batok El Niño Gihimo

Ni Alex Mapoy

Symposium. Isa-isa nga gipasabot sa water district ang peligrosong epekto kon magpasagad ang mga residente sa pagpanalipod sa kinaiyahan ug sa watershed area. Photo courtesy of BCWD

BUTUAN CITY – Gipaningkamotan sa Butuan City Water District (BCWD) nga dili masinatian ang epekto sa El Niño sa watershed area hinungdan nga nihimo ang water district og mga lakang isip kabahin sa mitigating measures.