Cloud Seeding Gimando

Ni Alex Mapoy

Agriculture Secretary Proceso Alcala 

BUTUAN CITY – Gimandoan na ni Agriculture Secretary Proceso Alcala ang tanang rehiyonal nga direktor sa ahensya sa agrikultura nga magpahigayon og cloud seeding labi na niadtong mga rehiyon nga apektado sa El Niño phenomenon.

Butyag ni Sec. Alcala, katuyoan niini nga matabangan ang mga mag-uuma sa tibuok nasod labi na sa paghatag tubig sa basakan.

Dugang sa kalihim, angay matubigan ang basakan aron matabangan ang mga mag-uuma nga dili maapektohan pag-ayo ang pananom ug usab dili kini malugi.

“Actually po, as early last year, nag-start na po tayo nag-intervene. Whenever na meron po tayong C-Double Clouds na makikita, ang instruction po sa lahat na region sa buong bansa ay mag-cloud seeding na outright,” pahayag ni Sec. Alcala

Gitin-aw sa kalihim nga dali nilang gihatagan og solusyon ang posibleng epekto sa huwaw sa tibuok nasod aron ang Pilipino dili magutman.

Mas gihatagan og importansya sa kagamhanan ang mga mag-uuma sanglit kini nga sektor maoy gikonsidera nga bayani.

Isip pagmatuod, dako nga pundo ang gibubo sa kagamhanang Aquino sa sektor sa agrikultura sanglit nakita niini ang kabililhon sa kontribusyon sa mga mag-uuma diin kon wala matod pa kini nga sektor, magutman ang tibuok nasod.