Sec Alcala Mahidangat sa Caraga

Ni Alex Mapoy

BUTUAN CITY – Gikomperma ni Department of Agriculture (DA) Caraga Public Relations Officer II Aurelius P. Arais nga mahidangat karong adlawa, Lunes si Agriculture Secretary Proceso Alcala.

Sa impormasyon nga gipaabot ni Arais, alas-7:00 sa buntag, mahiabot na si Sec. Alcala sa rehiyonal nga buhatan dinhe sa siyudad ug sugaton sa mga kadagkoang opisyal sa buhatan sa pagpanguna ni DA Caraga Regional Director Edna Mabeza.

Tuyo matod pa ni Sec. Alcala mao ang personal nga pagtambong sa pagahimuong turnover ceremony sa mga dagkong proyekto nga gipatuman sa probensya sa Agusan del Sur.

Mismo ang kalihim maoy manguna sa nasangpit nga kalihokan diin una kining makigtagbo sa mga media practitioners ning rehiyon alang sa pipila ka minuto nga pagpaminaw ug pagtubag sa mga pangutana nga ipaabot sa lokal nga tigbalita.

“Gud am lex, alas 7 am diri ofis dunay interaction with media den proced agsur for project turn-overs,” mensahe ni Arais.

Ang pagbisita sa kalihim dinhe sa rehiyon ang dili na bag-o pa sanglit pipila na kini ka higayon nga nibisita aron susihon ang mga programa sa ahensya nga gipatuman sa rehiyonal nga buhatan.