 |
| Julieto P. Canoy, alias Ka Boom |
BUTUAN
CITY
– Walay lipud-lipod nga gibulgar sa kanhi New Peoples Army (NPA) commander ang
mga grupo nga nagsilbi matod pa nga legal front sa armadong pakigbisog.
Gikabutyag ni Julieto P. Canoy,
alias Ka Boom kinsa nahimong kumander sa armadong grupo sulod sa taas nga
katuigan atubangan sa mga media nga daghang grupo ning rehiyon ang nahimong
legal front sa partidong komunista.
Naglihok ang nahisgotan sa
armadong pakigbisog sulod sa 31 ka tuig hinungdan nga mas lapad ang kasayoran
sa nahisgotan kon unsa nga mga grupo ang hugot nga nagsuporta sa walhong grupo.
Dugang ni Ka Boom, ang ilado nga
mga legal front sa NPA, nakakuha na og puwesto sa Kamara de Representantes
human nahimong party-list.
Pipila ka mga legal front sa NPA
matod pa ni Ka Boom mao ang Bayan Muna, Gabriela, Anak-Pawis, Migrante,
Alliance of Concerned Teachers Act, Katribu Indigenous People's Sectoral Party
(KATRIBU), Kahugpungan sa mga Lumadnong Organisasyon (KASALO), League of
Filipino Students (LFS), Kilusang Mayo Uno (KMU), Urban Poor – Lihok Butuan
Kadamay, Unyon sa Mag-uuma sa Agusan del Norte (UMAN), Nagkahiusang Mag-uuma sa
Agusan del Sur (NAMASUR), Nagkahiusang Gagmay’ng Minero (NAGAMI), Malahutayong Pakigbisog
alang sa Sumusunod (MAPASU).
Alang sa nauwahi, ang mga
galamay sa rebeldeng grupo ang nakasulod sa tanang sektor sa katilingban
hinungdan nga dunay lapad nga koneksyon ang komunistang grupo.
No comments:
Post a Comment