Saturday, July 4, 2015

4 Aftershocks Natala, Estudyante Patay

Ni Alex Mapoy
BURGOS, Surigao del Norte – Upat ka mga aftershocks ang natala human niigo ang 6.1 magnitude nga linog sa lungsod sa Burgos sakop sa probensya sa Surigao del Norte adtong Bernes, alas-2:43 sa hapon.

Pagpanghatag og Patrol Cars, Dili Pamulitika - Roxas

Ni Alex Mapoy
Personal nga gitunol ni DILG Sec. Mar Roxas ang yawi sa bag-ong patrol car ngadto sa mga mayores sa Dinagat Island Province.  
CAGDIANAO, Province of Dinagat Island (PDI) – Giklaro ni Department of the Interior and Local Government (DILG) Secretary Mar Roxas nga dili pamulitika ang gihimo niining pagpanghatag og mga bag-ong police patrol cars ngadto sa kalungsoran sa tibuok nasod.

Thursday, July 2, 2015

No Read No Write Gitabangan

Ni Alex Mapoy
Gipangunayan pagtudlo ni Principal II Celso Villamor Naranjo  ang kabataan kon unsaon pagbasa ug pagsulat. Photo by Neline Gambuay
BUTUAN CITY – Doble-kayod ang kadumalahan sa Mandacpan Elementary School pagtudlo sa mga estudyante kon unsaon pagbasa ug pagsulat.

Wednesday, July 1, 2015

P2-M nga Shabu Nakompiska

Ni Alex Mapoy
Mga nakuha nga epektos gikan sa posisyon sa taga - Marawi City dinhe sa siyudad sa Butuan.  Photo by Alex Mapoy

BUTUAN CITY – Kapin sa dos milyones pesos nga kantidad sa suspected shabu ang malamposon nga nakompiska sa hiniusang puwersa sa Regional Anti-Illegal Drugs – Special Operations Task Group (RAID-SOTG) ug City Anti- Illegal Drugs – Special Operations Task Group (CAID-SOTG) ang duha ka lalaki nga taga – dakbayan sa Marawi subay sa gihimong buy-bust operation sa Brgy. Maon ning siyudad, adtong Merkules, pasado alas-7:00 sa gabii.

Double Up Cacao Project Launching Gi-oktaba

Ni Alex Mapoy
PCA Caraga Acting Project Development Officer Grace
Orilla.
BUTUAN CITY – Gi-oktaba sa kadumalahan sa Philippine Coconut Authority (PCA) Caraga ang paglusad sa Double Up Cacao Project nga unang gitakda sunod semana.

Sumala ni PCA Caraga Acting Project Development Officer Grace Orilla, ang paglusad sa nahisgutang proyekto ang idungan na lamang kini paglusad sa Coco Coir Fiber Processing Plant nga nahimutang sa Brgy. Mabuhay, siyudad sa Bayugan.

Lauman nga sa maong paglusad, tambongan kini ni Presidential Assistant for Food Security and Agricultural Modernization Sec. Francis “Kiko” Pangilinan.

Gipasabot ni Orilla, ang Double Up Cacao Project, ilusad kini uban sa pagtinabangay sa Mindanao Development Authority (MINDA), Local Government Unit (LGU), ug ahensya pinaagi sa Memorandum of Agreement (MOA).

Water Supply Is Back To Normal – Barquin

Ni Alex Mapoy
Tanker rationing sa Lower Mandacpan, Brgy San Vicente Butuan City adtong Hunyo 29 sa gabii. Photo by Alex Mapoy

BUTUAN CITY – Balik na sa normal ang suplay sa tubig sa dakong bahin ning dakbayan sa Butuan human ang pipila ka adlaw nga nawala ang suplay sa tubig labi na kadtong nahimutang sa ibabaw nga bahin tungod sa temporaryong pag-shutdown sa mga pasilidad nunot sa nasinatiang mga pag-ulan sa tibuok siyudad ingon man sa Watershed Forest Reserve sa Sitio Iyao, Brgy. Anticala ning siyudad sugod adtong Sabado.

134 Caraganon Mother Patay sa Pagpanganak

Ni Alex Mapoy 
DOH Caraga Local Health Support Division Chief
Dr. Ernesto Pareja
. Photo by Alex Mapoy
BUTUAN CITY – Gikonsiderang alarming sa kadumalahan sa Department of Health (DOH) Caraga ang natalang kaso sa mga inahan ning rehiyon kinsa namatay dihang kini nagsabak o nanganak human nilansang sa 134 ka buok sa nakalabay’ng tuig 2014.

Sumala ni DOH Caraga Local Health Support Division Chief Dr. Ernesto Pareja, pinakabata nga namatay mao ang inahan nga taga – Surigao kinsa nag-edad pa og 15 anyos.

Namatay ang maong batang inahan, dugang ni Dr. Pareja, sanglit dili pa andam ang linghod niining lawas nga manganak tungod sa kabata pa niini.

“Tungod kay dili preparado ang iyang lawas, namatay kini. Plus, kining 15 anyos nga nagsabak, magtago-tago sa balay, dili magpa-prenatal kay mahadlok mahibaw-an nga nagsabak. Ulahing nahibaw-an nga kini nagsabak dihang kini gidala na sa ospital ug anaa na sa malisuron nga kahimtang,” pagkomperma ni Dr. Pareja.

Gobernadora ug Mayor Naglalis

Ni Alex Mapoy
Agusan del Norte Gov. Ma. Angelica Rosedell Amante – Matba ug Buenavista Mayor Norbert Babano Pagaspas

BUENAVISTA, Agusan del Norte – Pipila ka minuto nga nagkatinubagay sila Agusan del Norte Gov. Ma. Angelica Rosedell Amante – Matba ug Buenavista Mayor Norbert Babano Pagaspas atubangan sa gatosan ka mga Social Pensioner kinsa nagtigom sa J.P. Satorre Gymnasium sa maong lungsod adtong Martes sa buntag.

7,000 Mangrove Seedlings Natisok

Ni Alex Mapoy
DENR 13 Regional Director Nonie M. Tamayo joins the planting of propagules with more than 500 participants from the different sectors and schools held a tiny sand islet near the Agusan River delta in Barangay Lumbukan, Butuan City which highlighted the observance of the Arbor Day on June 25, 2011. Photo Courtesy of DENR Caraga Spokesperson Eric Gallego.
BUTUAN CITY – Siete mil (7,000) ka mga semilya sa bakhaw o mangrove ang malamposon nga natanom sa dul-an 500 ka indibidwal sa baybayong bahin sa Brgy. Lumbocan ug Brgy. Masao sakop ning siyudad ug Las Nieves Agusan del Norte subay sa pagselebrar sa Arbor Day.

Paspas nga Interbensyon Gitinguha

Ni Alex Mapoy
BUTUAN CITY – Paspas nga pagtunol sa interbensyon ngadto sa apektado sa kalamidad ang gusto sa kadumalahan sa Department of Agriculture (DA) Caraga.

Sumala ni Vanessa P. Sanchez sa DA Caraga, gi-awhag ni DA Caraga Regional Executive Director Edna M. Mabeza ang tanang nitambong sa Rehabilitation and Mitigation Planning Workshop and Action Planning for Disaster Risk Reduction for Agriculture labi na ang mga representante gikan sa Municipal Agriculture Offices ning rehiyon, Provincial Disaster Risk Reduction Management Offices, ug personahe sa rehiyonal nga buhatan nga magtinabangay aron mahatagan gilayon og tabang kadtong mga mag-uuma nga na apektohan sa kalamidad sama sa weak El Niño.

KATROPA Dalan sa Pagka-Responsableng Bana

Ni Alex Mapoy
Komitido ang mga nahisgotan nga mahimong responsableng bana subay sa  paglusad sa Kalalakihang Tumutugon sa Responsibilidad at Obligasyon sa Pamilya (KATROPA). Photo by Alex Mapoy

 BUTUAN CITY – Paghimong responsableng bana ang nag-unang katuyoan nganong gilusad sa Population Commission (PopCom) Caraga ang  Kalalakihang Tumutugon sa Responsibilidad at Obligasyon sa Pamilya (KATROPA) sa Dotties Place Hotel and Restaurant nga nahimutang sa dalang J.C Aquino sakop ning siyudad kagahapong Martes.

Kampanya Batok Drug ug Child Abuse Gipalapdan

Ni Alex Mapoy
Gatosan ka mga estudyante sa San Vicente National High School gipasabot kabahin sa kabahin sa RA 9165 ug RA 7610. Courtesy of BCPS1

BUTUAN CITY – Gipalapdan sa kapulisan sa dakbayan sa Butuan ang kampanya batok druga ingon man Child Abuse Awareness pinaagi sa pagpahigayon og symposium ngadto sa sekondaryang tunghaan partikular na sa San Vicente National High School, Brgy. San Vicente sakop ning siyudad adtong Bernes, Hunyo 26 ning kasamtangang tuig.

Tuesday, June 30, 2015

Katungod sa Katabang Ipatuman

Ni Alex Mapoy
NLRC Caraga Administrative Officer V Robert M. Aying. Photo by
Alex Mapoy
BUTUAN CITY – Katungod sa katabang sa panimay ang pagdawat sa gitakdang minimum wage basi sa gitakda sa Republic Act 10361 o mas nailang Domestic Workers Act.

Nakalatid sa RA 10361, managlahi ang minimum wage nga pagadawaton sa katabang diin gikonsidera niini ang lokasyon.

Kon ang katabang nanarbaho sa National Capital Region, madawat niini ang P2,500 isip monthly minimum wage; P2,000 ang binulang suholan sa mga nagtrabaho sa chartered cities; ug P1,500 ang binulang sweldo sa mga nanarbaho sa lungsod.


Ang nahisgotang suholan gibase kini sa nakalabay’ng tuig nga minimum wage nga gi-aprubahan sa nagkadaiyang Regional Tripartite Wages and Productivity Board (RTWPBs).

Water Rationing Gikadismaya

Ni Alex Mapoy
BUTUAN CITY – Gikadismaya sa pipila ka konsumidor sa Butuan City Water District (BCWD) ang gihimong water rationing sa water district human wala na abtan sa rasyon.

Bisan pa man, dunay pipila ka mga konsimidor sama kang Ailyn Legazpi taga – Lower Mandacpan, Brgy. San Vicente ning siyudad ang nipahayag nga nalipay kini sa gihimong inisyatiba sa water district.

Sayod si Legazpi nga band-aide solution lamang matod pa ang maong water rationing, apan sa maong paagi, nabati matod pa sa katawhan ang paningkamot sa buhatan.

Apan sa facebook account sa water district, usa ka ginang ang nipadayag nga dili lang unta kutob sa water rationing ang himuon sa buhatan kondi malahutayong solusyon sa dugay nang problema sa tubig ang gipangita sa katawhang Butuanon.

Bugtong tubag ni BCWD Senior Public Relations Officer Ramil S. Barquin, gikasubo nila ang pagkawala sa suplay sa tubig dungan sa pagpangayo og dispensa sa kahasol kansang kahimtang sa panahon sa watershed area ang dili mapugngan dungan sa pagpaniguro nga doble kayod ang buhatan aron mabalik sa normal ang operisyon niini.

Z Benefit Package Contract Gibuksan

Ni Alex Mapoy
PhilHealth Caraga Kenneth Po. Photo by Alex Mapoy
BUTUAN CITY – Gibuksan sa nasudnong kadumalahan sa Philippine Health Insurance Corporation (PhilHealth) ang kontrata nga mahimong aplayan sa “private health care institutions.”

Ang nahisgutang kontrata nagtumong nga masegurong mahatag ang nagtunhay nga Z Benefit Packages.

Gihimo kini isip kabahin sa gihingusgan ug gi-asdang nga kampanya sa ahensya, "Bawat Pilipino, Miyembro; Bawat Miyembro, Protektado; Kalusugan Natin, Segurado.

Sumala ni Kenneth Po sa PhilHealth Caraga, gimugna ang Z Benefit Packages aron matubag ang gitawag nga “catastrophic illnesses” o grabe nga matang sa sakit sama sa kanser sa totoy, kanser sa prostate, acute lymphocytic  leukemia, ventricular septal defect, tetralogy of fallot, coronary artery bypass graft, selected orthopaedic implants, ug daghan pang uban.

Sunday, June 28, 2015

19 Rain Water Collectors Gimuntar

Ni Alex Mapoy
Residente sa Brgy. Magsaysay nagbaktas gikan sa Purok 1 padulong sa Sitio Dao aron magkabo og tubig. Courtesy of DSWD Caraga

GENERAL LUNA, Surigao del Norte – Dise-nuwebe (19) ka mga Rain Water Collectors ang hingpit nga napahimuslan sa mga residente sa Brgy. Magsaysay sakop sa nahisgutang lungsod.

MOA Ayuda sa Mag-uuma Gipermahan

Ni Alex Mapoy
Courtesy of Sonny T. Montilla
AGUSAN DEL NORTE – Gipaneguro sa probensyal nga kagamhanan sa Agusan del Norte nga tabangan ug panalipdan ang mga mag-uuma sa probensya.

Sportsfest Gidayeg sa Gobernadora

Ni Alex Mapoy
Courtesy of Johny S. Natad of RPAO-DENR Caraga
BUTUAN CITY – Hingpit nang gitak-opan ang tulo ka adlaw nga DENR Sportfest 2015 nga gisugdan adtong Hunyo 22 ug gitapos adtong Hunyo 24 diha sa Agusan del Norte Provincial Capitol Covered Court.

U4U Campaign Nagkalapad

Ni Alex Mapoy
PopCom Caraga Information Officer III and Technical Section Chief 
Rutchie C. Saluta. Photo by Alex Mapoy
BUTUAN CITY– Nagkadaghan ang grupo sa kabatan-onan ning rehiyon sa Caraga ang napailawom sa oryentasyon sa You-for-You (U4U) nga gipasiugdahan sa Population Commission (PopCom) Caraga.

Katuyoan sa U4U nga mapugngan ang “sexual risk behaviours” sama sa pre-marital sex, teenage pregnancy, ug sayong pagsulod sa kaminyuon, matuki ang nagkadaiyang reproductive health problems lakip na ang gitawag nga non-sexual risks sama sa pagpanigarilyo, pag-inom, ug pagamit sa gidiling druga.

Magsilbi usab kining paagi nga mahimong andam ang batan-on sa pag-atubang sa bisan unsang hagit sa kinabuhi sa tabang sa isigka-batan-on.

Segon ni PopCom Caraga Information Officer III and Technical Section Chief Rutchie C. Saluta, tudluan ang mga partisipanteng batan-on kon unsaon pagdala ang kaubanang batan-on nga dunay gihambin nga problema.