Wednesday, July 1, 2015

P2-M nga Shabu Nakompiska

Ni Alex Mapoy
Mga nakuha nga epektos gikan sa posisyon sa taga - Marawi City dinhe sa siyudad sa Butuan.  Photo by Alex Mapoy

BUTUAN CITY – Kapin sa dos milyones pesos nga kantidad sa suspected shabu ang malamposon nga nakompiska sa hiniusang puwersa sa Regional Anti-Illegal Drugs – Special Operations Task Group (RAID-SOTG) ug City Anti- Illegal Drugs – Special Operations Task Group (CAID-SOTG) ang duha ka lalaki nga taga – dakbayan sa Marawi subay sa gihimong buy-bust operation sa Brgy. Maon ning siyudad, adtong Merkules, pasado alas-7:00 sa gabii.

Na abtan sa News Team nga naka-posas na ang mga na arestong suspetsado kinsa naila sa mga pangalang Aj Tahir, 26 anyos, minyo, ug isa ka Johaiber, 17 anyos, pulos molupyo sa dakbayan sa Marawi.

Nakuha sa awtoridad gikan sa posisyon sa mga nahisgotan ang 175 gramos nga suspected shabu nga gisulod sa tulo ka ice water cellophane nga dunay market value nga P2,065,000; marked money balor P1,000; isa ka yunit sa punto 38 caliber revolver nga dunay 18 ka buok nga buhing mga bala; isa ka yunit nga Suzuki motorcycle nga for registration; 2 ka yunit nga cellphone; ug mga drug paraphernalia.

Sila  nila Aj Tahir ug Johaiber, pulos taga - Marawi City nagpayuhot og drugas sa dakbayan sa Butuan, sikop sa kapulisan. Photo by Alex Mapoy
Kasamtangang gitanggong sa karsel sa Butuan City Police Station 1 ang mga dinakpan samtang ang nakuha nga suspected shabu ang gidala ngadto sa Regional Crime Laboratory Office 13 alang sa laboratory examination.

Sumala ni Police Regional Office (PRO) 13 Spokesperson Martin M. Gamba nga ilawom sa bag-ong liderato ni PRO 13 Officer-In-Charge PCSupt. Vert Tinio Chavez, hugot nga gisuportahan ang kampanya sa Philippine Drug Enforcement Agency (PDEA) Caraga pagsumpo sa pagpayuhot sa gidiling drugas ning rehiyon.

Sa pagkutlo ning balita, gi-andam na ang kaso nga ipasaka batok sa mga nahisgotan.

No comments:

Post a Comment