7,000 Mangrove Seedlings Natisok

Ni Alex Mapoy

DENR 13 Regional Director Nonie M. Tamayo joins the planting of propagules with more than 500 participants from the different sectors and schools held a tiny sand islet near the Agusan River delta in Barangay Lumbukan, Butuan City which highlighted the observance of the Arbor Day on June 25, 2011. Photo Courtesy of DENR Caraga Spokesperson Eric Gallego.

BUTUAN CITY – Siete mil (7,000) ka mga semilya sa bakhaw o mangrove ang malamposon nga natanom sa dul-an 500 ka indibidwal sa baybayong bahin sa Brgy. Lumbocan ug Brgy. Masao sakop ning siyudad ug Las Nieves Agusan del Norte subay sa pagselebrar sa Arbor Day.

Gipangunahan ang maong kalihokan sa Department of Environment and Natural Resources (DENR) Caraga ilawom sa kadumalahan ni Regional Director Nonito M. Tamayo uban sa pag-abag sa Philippine National Police, Philippine Navy, Philippine Coast Guard, mga estudyante gikan sa Caraga State Universities,  Agusan National High School, ug AMA Learning Center – Butuan.

Katuyuan niini nga pinaagi sa nahisgutang mga bakhaw, mabatokan ang epekto sa pag-usab sa panahon.

Sa gipaabot nga impormasyon ni DENR Caraga Spokesperson Eric Gallego, gipasabot matod pa ni Dir. Tamayo ngadto sa nisalmot sa kalihokan nga kinahanglan nga mahimo kining responsable sa inadlaw niining mga buhat kansang lihok dili makahatag kadaut sa kinaiyahan.

Likayan matod pa ang paghimo sa mga butang nga ikadaut sa kinaiyahan sama sa pagamit og mga plastic bags o kaha mo gamit og laing alternatibo aron mapanalipdan ang palibot.

Ang selebrasyon gihimo subay sa Presidential Proclamation 396 adtong Hunyo 2, 2003 ug sa Republic Act (RA) 10176 o mas nailang Arbor Day Act of 2012 kansa nagmando nga matag tuig, ang mga Pilipino nga nag-edad gikan 12 anyos pa taas, kinahanglan nga magtanom bisan isa ka punoan sa kahoy ug atimanon aron kini mo dako ug niana, mabatokan ang epekto sa pag-usab sa panahon.