Double Up Cacao Project Launching Gi-oktaba

Ni Alex Mapoy

PCA Caraga Acting Project Development Officer Grace
Orilla.

BUTUAN CITY – Gi-oktaba sa kadumalahan sa Philippine Coconut Authority (PCA) Caraga ang paglusad sa Double Up Cacao Project nga unang gitakda sunod semana.

Sumala ni PCA Caraga Acting Project Development Officer Grace Orilla, ang paglusad sa nahisgutang proyekto ang idungan na lamang kini paglusad sa Coco Coir Fiber Processing Plant nga nahimutang sa Brgy. Mabuhay, siyudad sa Bayugan.

Lauman nga sa maong paglusad, tambongan kini ni Presidential Assistant for Food Security and Agricultural Modernization Sec. Francis “Kiko” Pangilinan.

Gipasabot ni Orilla, ang Double Up Cacao Project, ilusad kini uban sa pagtinabangay sa Mindanao Development Authority (MINDA), Local Government Unit (LGU), ug ahensya pinaagi sa Memorandum of Agreement (MOA).

Ang Double Up Cacao Project, lahi kini sa regular nga proyekto nga Coconut-Cacao Intercropping sa ahensya.

Sa karon, padayon pang gi-pinalisar ang eskema nga ilang pagasundon diin duha ka posibilidad ang gitan-aw sa ahensya; ang PCA maoy maghatag og seedling sa kakaw ngadto sa mga benepisyaryo o kaha, i-download sa ahensya ang pundo ngadto sa LGU nga andam mo sagop niini nga proyekto ug ang hingtungdang LGU na maoy maghatag og seedling.

Gihulat pa usab sa rehiyonal nga buhatan ang Guidelines gikan sa kaulohan nga maoy tamdan sa pagpatuman sa proyekto.

“Naa mi project nuh nga Double Up Cacao Project, pero, separate ni namo sa regular project nga Coconut Intercropping sa Kakaw. Kanang Double Up Cacao program, kuan na siya, in collaboration with MINDA (Mindanao Development Authority) and LGU nga willing mo adopt sa project. So, ang PCA maoy mag-provide og seedlings, either, naa mi scheme, pero wala pa namo na finalize unsay among i-adopt. Ang PCA ba maoy mag-provide og seedlings o ang LGU na, downlodan namo sila og funding, unya sila na ang mag-provide og seedlings ngadto sa ilang mga beneficiaries thru MOA. Pero, wala pa namo na siya na final. Wala pa man gud siyay approved guidelines from the Central Office. Hopefully, next week, amo na siya i-launch nga project with Sec. Pangilinan. But, i-move na namo mga last week of July, pero, wala pa pud na siyay fixed date,” pahayag ni Orilla.