Magahat Nanganti sa NPA

Ni Alex Mapoy

SURIGAO DEL SUR – Nanganti ang grupong Magahat sa rebeldeng New Peoples Army (NPA) nga dili nila lung-an hangtod makit-an ang presensiya sa komunidad sa mga lumad.

Gikabutyag ni Bobby Tejero, ang giilang lider sa Magahat, bugtong nilang kaaway mao ang mga rebelde ug kadtong mga nisuporta sa armadong pakigbisog.

Dugang ni Tejero, dili usab nila kaaway ang mga militar ug kapulisan nga nigukod kanilang managsoon.

Saad ni Tejero, dili sila maghimo’g kasamok o magpasipala ni bisan kinsang Caraganon labi na niadtong wala nisuporta sa rebeldeng grupo.

"Our only enemy are the NPAs & anyone who supports them & not the military & the PNP who are hunting us unrelentlessly. We promise to the people of Caraga that we will continue to fight for as long as their presence is still in our communities.”

Niawhag pa ang nauwahi sa publiko nga mo suporta sa ilang kawsa nga batokan ang mga rebelde nga mao matod pay nakapatibulaag sa mga lumad ug nakabenepisyo sa kalihokang mina sa probensya.

Bahad pa sa nahisgotan, mahayan ug mag-antos ang mga rebelde sa nakat-onan nilang Magahat dihang niabin pa sila sa armadong pakigbisog.

"With us, & help us destroy the true enemy - the CNN rebels who are exploiting the lumads & benefiting the resources especially the mining companies. This time, the CNN rebels will suffer what they have trained us for."

Ang mensahe ni Tejero gipaabot ngadto sa buhatan sa Philippine Information Agency (PIA) Caraga via text message ug gipaabot usab ning mantalaan.