BUTUAN CITY – Target sa Department of
Environment and Natural Resources (DENR) Caraga nga tamnan ang 29,647 ka
ektaryang luna nga naupaw ning tuiga.
Hisayran nga sulod
sa lima ka tuig nga pagpatuman sa National Greening Program (NGP) sa rehiyonal
nga buhatan sukad 2011 hangtod karon, mikabat na sa 38,993,226 ka mga semilya sa kahoy
ang natisok ngadto sa lima ka mga probensya – ang Agusan del Norte, Agusan del
Sur, Surigao del Norte, Surigao del Sur, ug Dinagat Island Province.
Sumala ni DENR Caraga Regional Director Nonito M. Tamayo,
ambisyoso ang maong target, apan positibo ang rehiyonal nga kadumalahan nga
mahimo kini sa ahensya.
Pasikaran ni Tamayo nga makab-ot ang maong target tungod sa kalamposan
nga nahimo sa rehiyonal nga buhatan sa 2015 target pinaagi sa lima ka mga
provincial ug napulo ka mga Community Environment and Natural Resources
Officers sa rehiyon lakip ang Protected Area Site Unit sa lungsod sa Dapa,
Surigao del Norte.
Magsilbi usab matod
pang tabang, pagtin-aw sa direktor ang “Mechanized- Nursery Center sa dakbayan sa Bislig nga kayang mo
prudyos og isa ka milyon ka mga semilya sa kahoy kada adlaw.
Alayon niini, nanghinaut ang opisyal nga makab-ot ang maong
tinguha uban sa pagtinabangay sa tanang empleyado sa rehiyonal nga buhatan
ingon man sa komunidad.
No comments:
Post a Comment