Rebel Extortion, Gibantayan

Ni Alex Mapoy

401st Brigade Philippine Army Commander 

Col. Alexander Macario

PROSPERIDAD, Agusan del Sur – Wala pay na monitor sa Armed Forces of the Philippines (AFP) nga dunay pulitiko sa rehiyon nga gisugdan pagpangilkil sa rebeldeng New Peoples Army (NPA).

Sumala ni 401st Brigade Philippine Army Commander Col. Alexander Macario, hugot ang ilang gihimo nga monitoring bahin sa extortion activity sa mga rebelde ngadto sa mga pulitiko nga nagpadayag nga magpapili sunod tuig.

Dugang ni Col. Macario, kon basehan ang kasinatian sa nanglabay nga eleksyon, kadtong mga kandidato nga mangampanya sa kabukiran ang pangayoan kini og bayad alang sa “permit to campaign” ug permit to win.”

Gipasabot sa opisyal, ang maong buhat sa mga rebelde, makonsidera nga usa ka matang sa pagpangilkil.

Butuan Faith Teachers Gipasidunggan

Ni Alex Mapoy

PASIDUNGOG. Gihatagan sa mga estudyante sa Butuan Faith Christian School ang ilang mga magtutudlo og bulak ingon man gasa isip pagpakita sa ilang paghatag pasidungog ug pagpasalamat sa mapadayonon nga pagtudlo kanila. Photo by Alex Mapoy. 

BUTUAN CITY – Gipasidunggan sa kabataang Filipino Chinese ang ilang magtutudlo sa Butuan Faith Christian School kinsa nahimong instrumento nga magdako sila nga hitsas sa saktong edukasyon ug magdako nga mahadlokon sa Dios.

Panginabuhian sa Mag-uuma Nibentaha

Ni Alex Mapoy

Nibentaha ang pamuyo sa mga mag-uuma tungod sa implementasyon sa Support to Emergency and Livelihood Assistance Project Phase II (SELAP2). Photo courtesy of DA Caraga PRO II Aurelius P. Arais

LANUZA, Surigao del Sur – Sangko sa langit ang pagpasalamat sa isa ka mag-uuma sa Surigao del Sur sa Department of Agriculture (DA) Caraga human nibentaha ang panginabuhian dihang lakip ang ilang lugar nga nabuhatan sa konkretong kalsada.

VPA Subleng Gipasabot

Ni Alex Mapoy

Mga Volunteer Probation Aides (VPAs) sa PPA-DOJ Butuan kinsa dunay kasingkasing nga mo serbisyo ngadto sa mga kliyente sa buhatan. Photo by Alex Mapoy

BUTUAN CITY – Gipasabot sa Parole and Probation Administration (PPA) Butuan ang tanang Volunteer Probation Aides (VPAs) kabahin sa kalainan sa probation ug parole atol sa gipahigayong tigom sa PPA-DOJ Butuan, Hall of Justice, Brgy. Libertad ning siyudad.

Sundalo Nabihag sa NPA

Ni Alex Mapoy

AGUSAN DEL SUR – Gikomperma sa kadagkoan sa New Peoples Army (NPA) nga ilang grupo maoy nidagit sa isa ka membro sa militar diha sa Km.16, Brgy. Policarpo, lungsod sa San Luis adtong Sabado, alas-10:45 sa buntag.

Sa sulat ni Ka Allan Juanito, tigpamaba sa North Central Mindanao Regional Command – New Peoples Army, giila ang gibihag nga usa ka Sgt. Adriano Delapeña Bengil, 34 anyos, minyo, dunay duha ka buok anak, residente sa Brgy. Lapasan, sakop sa dakbayan sa Cagayan de Oro.

Nadakpan ug nabihag sa mga rebelde ang nahisgotan atol sa gihimong check-point sa isa ka yunit sa NPA ubos sa Western Agusan Norte-Agusan Sur (NPA WANAS) Sub-regional Command.

Project Turnover Gitakda

Ni Alex Mapoy

BUTUAN CITY – Pipila ka dakong proyekto sa Department of Agriculture (DA) Caraga ang gitakda nga i-turnover ngadto sa probensya sa Agusan del Sur adiser mahuman ang kasamtangang bulan.

Wala gipahayag ni DA Caraga Public Relations Officer II Aurelius P. Arais kon unsa ang nahisgotang mga proyekto, apan gipaneguro sa opisyal nga mapahimuslan kini sa tanan.

Dugang ni Arais, atol sa paga-himuong turnover, posible nga tambongan kini sa dakong opisyal sa ahensya nga na gikan sa kaulohang Manila.

Lauman nga buntag sayo mahiabot ang gilaumang bisita ning rehiyon aron pangunahan ang maong kalihokan.

Piniriso Angay Respetohon – VPA President

Ni Alex Mapoy

PPA-DOJ VPAs Butuan President Ma. Linda Alcasid

BUTUAN CITY – Dako ang pagtuo ni Parole and Probation Administration (PPA) Volunteer Probation Aides (VPAs) Butuan President Ma. Linda Alcasid nga bisan napriso ang isa ka tawo, angay pa gihapon kining respetohan.

AFP Leadership Gimahayan

Ni Alex Mapoy

BUTUAN CITY – Dulot bukog ang gibati nga pagmahay sa mga lumad ngadto kang AFP Chief of Staff Lt. General Hernando Delfin Carmelo Arreza Iriberri human nabati nga wala sila gitalikdan.

Sa sulat pamahayag ni Josephine Pagalan, ang rehiyonal nga tigpamaba sa Kahugpongan sa Lumadnong Organisasyon (KASALO) Caraga, gihikyad ang tanan niining pagmahay ngadto kang Lt. Gen Iriberri.

Gikabutyag ni Pagalan, imbes si Iriberri matod pa ang gilauman sa mga lumad sa tibuok rehiyon sa Caraga nga maoy manalipod kanila gikan sa pagpangdaugdaug ug pagpangyatak sa tawhanong katungod kay kini usa ka Surigaonon, nahimo matod pa kining tigpanalipod sa mga abusadong yunit sa kasundalohan ug sa mga bandidong paramilitar.

NCCA Mikondina sa Lianga Massacre

Ni Alex Mapoy

BUTUAN CITY – Nanginlabot na ang National Commission for Culture and the Arts (NCCA) sa gibansagang Lianga massacre pinaagi sa pagkondina sa maong kremin.

Sumala ni NCCA Public Affairs and Information Office Head Rene S. Napeñas, bisan unsang porma sa bayolenteng hitabo diin mabiktima ang mga lumad labi na sa Mindanao, ila kining ikondina dungan sa panawagan nga dakpon ug silotan kadtong mga kriminal.

Dako ang respeto ni Napeñas sa mga lumad sanglit sila maoy buhing dugokan ug simbolo sa kulturang Pilipino.

Magahat Force, Wala Gi-organisa sa Militar – Col. Purisima

Ni Alvin Añonuevo/Alex Mapoy

402nd Infantry Brigade Commanding Officer Col. Isidro L. Purisima. Photo courtesy of Alvin Añonuevo 

TANDAG CITY – Gipanghimakak sa 402nd Infantry Brigade Philippine Army ang pasangil sa militanteng grupo nga sila ang nag-organisa sa Magahat/Bagani Force sa probensya sa Surigao del Sur.

AgNor Ideklarang Conflict Manageable – Col. Macario

Ni Alex Mapoy

401st Brigade Philippine Army Commander Col. Alexander Macario naglingkod uban ang pipila ka media personalities. Photo by Alex Mapoy

PROSPERIDAD, Agusan del Sur – Gitakdang ideklara sa Armadong Kusog sa Pilipinas ang probensya sa Agusan del Norte nga conflict manageable sulod ning bulana.

Karapatan Caraga Gikasohan

Ni Alex Mapoy

BUTUAN CITY – Hingpit nang nadawat sa Karapatan Caraga ang kopya sa kaso nga giduso sa pipila ka mga operatiba kinsa nakulatahan atol sa paglubong sa duha ka biktima sa Lianga massacre.

Kasong serious physical injury ug robbery ang gisang-at nga kaso sa tulo ka mga sakop sa 401st Infantry Brigade sa Philippine Army batok na kang Karapatan Caraga Secretary General Eliza Pangilinan.

La Niña Masinatian sa Caraga

Ni Alex Mapoy

DEL CARMEN, Surigao del Norte – Dako ang posibilidad nga masinatian sa rehiyon sa Caraga ang La Niña kon itandi sa El Niño.

Una nang nanggawas sa balita nga apil ang rehiyon sa Caraga ang maapektohan sa El Niño.

Sa leaflets nga gipagawas sa Department of Agriculture (DA) Caraga labi na sa Information Section nga gi-uloha’g Climate Change, posible nga masinatian sa rehiyon ang mga pag-ulan.

Nunot sa La Niña o El Niño, apektado ang sektor sa agrikultura.

Pipila sa mga epekto sa pag-usab sa klima mao ang pagdaghan sa mga dangan ug sakit, pagkaparat sa tubig sa irigasyon, kanunay nga mga pagbaha, pagdahili sa yuta, huwaw, pagkawala sa tabunok sa yuta sa baybayon tungod sa nagkataas nga lebel sa dagat ingon man storm surge, ug dili matagna ang kondisyon sa panguma.

P7M Gidawat sa AgNor

Ni Alex Mapoy

Gidawat ni Gov. Ma. Angelica Rosedell Amante – Matba ang premyo ingon man certificate isip isa sa mga LGU Awardees sa SGLG 2015. Photo courtesy of Sonny T. Montilla

AGUSAN DEL NORTE – Pormal nga gidawat sa probensyal nga kagamhanan ang cheque balor P7 milyones gikan sa Department of Interior and Local Government (DILG) Caraga sa nakalabay’ng semana.

Benepisyo Batok Bankruptcy Angay Ihatag

Ni Alex Mapoy

NLRC Caraga Administrative Officer V Robert M. Aying

BUTUAN CITY – Obligado ang employer nga mohatag og benepisyo sa tanggalon nga empleyado bisan pa og nagdeklara kini og bankruptcy o pagkalugi sa kompanya.

Sumala ni NLRC Caraga Administrative Officer V Robert M. Aying, dili himuong rason sa employer nga dili mohatag og benepisyo sama sa separation pay ug uban pang benepisyo nga angay madawat sa tanggalon nga empleyado tungod lamang sa pagka-bangkaruta o padayong pagkalugi sa negosyo.

Task Force Batok Kalamidad Ipamugna

Ni Alex Mapoy

OCD Caraga Regional Director Manuel 

Luis M. Ochotorena

DEL CARMEN, Surigao del Norte – Angayan nga magmugna og task force ang matag kagamhanang lokal isip kabahin sa mitigating measure sa bisan unsang porma sa kalamidad.

Sumala ni Office of the Civil Defense (OCD) Caraga Dir. Manuel Luis M. Ochotorena, mas maayo nga dunay mamugna nga mga task force ang matag Local Government Unit (LGU) aron pag-abot sa kalamidad, mas malikayan nga dunay kinabuhing makalas, maminusan ang damyos, ug mas paspas ang pagtunol sa gikinahanglang tabang ngadto sa apektadong residente.

Dugang ni Dir Ochotorena, dili na bag-o pa sa matag LGU ang bisan unsang porma sa kalamidad hinungdan nga mas maayong magmugna kini og grupo aron awtomatiko nga matabangan ang maapektohang pamilya.

Media Practitioner Naulaw

Ni Alex Mapoy

NAULAW. Gipangunayan ni Nikolai, isa ka langyaw’ng turista ang paggiya sa mga media practitioner nga taga – Caraga kon asa nahimutang ang Cloud 9 sa lungsod sa General Luna, Siargao Island. Photo by Alex Mapoy

GENERAL LUNA, Surigao del Norte – Nibati og kaulaw ang pipila ka media practitioner sa rehiyon sa Caraga dihang isa ka langyaw nga tourist guide maoy nigiya pagtultol ngadto sa pipila ka tourist spots sa lungsod sa General Luna atol sa pagbisita human wala nakatuod.

FSUU Nagpabiling Kampeon

Ni Alex Mapoy

Photo courtesy of BCWD

BUTUAN CITY – Padayong nanghawod ang mga pambato sa Father Saturnino Urios University (FSUU) human nasakmit ang kampeonato sa 6th BCWD Parliamentary Debate nga gipahigayon sa Jesus Family Ministries ning siyudad adtong Bernes.

Water Conservation Advocacy Gihingusgan

Ni Alex Mapoy

Luyo sa kalinghod sa edad, gisugdan na 

kini pagpasabot sa water district kon 

unsa ka importante ang pagkonserba 

sa tubig ingon man sa kinaiyahan. 

Photo courtesy of BCWD

BUTUAN CITY – Gipakusgan sa kadumalahan sa Butuan City Water District (BCWD) ang adbokasiya pagpasabot sa katawhan kabahin sa kabililhon pagkonserba sa tubig.

Dili lang dagkong tawo ang gipasabot sa maong adbokasiya kondi lakip na ang gatosan ka mga magtutungha sa Lumbocan Elementary School sakop ning siyudad.

Sumala ni BCWD Senior Public Relations Officer Ramil S. Barquin, pipila sa mga punto nga gipasabot ngadto sa kabataan mao ang paagi pagbatok sa epekto sa “Strong El Nino.”

Dugang ni Barquin, isa sa mga paagi nga mabatokan ang epekto sa huwaw mao ang pagkonserba o dili pag-usik usik sa tubig.

Una nang gitagna sa Philippine Atmospheric, Geophysical and Astronomical Services Administration (Pagasa) nga ang nasinatiang Strong El Niño mo lungtad pa kini sa Hunyo 2016.

Gawas sa pagkonserba ug pagdaginot sa tubig, gipasabot usab ngadto sa kabataan ang kabililhon sa pagpanalipod sa kinaiyahan labi na sa tinubdan sa tubig sa water district ang Taguibo Watershed Area.

Philippine Eagle Nasigpatan sa Sibagat

Ni Alex Mapoy

Lapad nga lasang sa Sibagat Agusan del Sur gituohan nga gipuy-an sa Philippine Eagle. Photo courtesy of Eric Gallego

SIBAGAT, Agusan del Sur – Duha ka Philippine Eagles ang gituohan nga nagpuyo sa lapad nga kalasangan sa lungsod sa Sibagat sakop sa probensya sa Agusan del Sur.

Lianga Masscare Gikondina, Hustisya Gipanawagan

Ni Alex Mapoy

Nanginlabot na ang Communist Party of the Philippines (CPP) sa gihimo sa armadong grupo nga  Magahat/Bagani Force pagpatay sa pipila ka mga sibilyan sa lungsod sa Lianga ug kasikbit nga mga lungsod sakop sa probensya sa Surigao del Sur.

BUTUAN CITY – Nanginlabot na ang Communist Party of the Philippines (CPP) pinaagi sa pagpasibaw sa panawagan ngadto sa administrasyong Aquino nga hatagan sa hinanaling hustisya ang mga biktima sa niluog nga binuhatan sa armadong grupo nga naglihok sa lungsod sa Lianga ug kasikbit nga mga lungsod sakop sa probensya sa Surigao del Sur.

Leaflets Batok Druga Gipanghatag

Ni Alex Mapoy

Gibisita ni PO2 Ma. Morina P. Fernandez ang JACES ug nanghatag og leaflets ngadto sa mga estudyante. Photo courtesy of Jabonga MPS

JABONGA, Agusan del Norte – Wala lamang naka-pokus ang kapulisan sa rehiyon sa Caraga paghinlo sa han-ay human pipila ka mga kaubanan ang nagpositibo nga nagamitan og drugas, kondi, padayon kining naningkamot nga magtubo ang kabataan nga ligdong ug layo sa bisan unsang bisyo.

Bag Distribution Gipanghinaut

Ni Alex Mapoy

Mapasalamaton ang mga estudyante nga nakadawat sa libre nga bag dungan sa panghinaut nga ipadayon ang maong programa aron matag tuig, duna silay masudlan sa gamit pang-eskwela. Photo courtesy of Judy C. Amante

CABADBARAN CITY – Nanghinaut ang mga benepisyaryong estudyante nga magpadayon ang pagpanghatag sa libreng bag sa probensya ngadto sa mga kabus nga magtutungha aron dili mabasa ang ilang gamit pang-eskwela panahon sa ting-ulan.

Pag-ayo sa Chlorine Line, Gisaway

Ni Alex Mapoy

BCWD Senior Public Relations Officer Ramil S. Barquin

BUTUAN CITY – Upat ka oras nga nasinatian ang hinay nga pressure sa tubig sa tibuok service area sa Butuan City Water District (BCWD) kagahapon sa buntag human nagpahigayon og repair sa chlorine line sa Filtration Plant, Barangay Taguibo ning siyudad.

Sumala ni BCWD Senior Public Relations Officer Ramil S. Barquin, pipila ka area ang walay agas samtang ang ubang bahin ang nakasinati sa hinay nga agas sa tubig.

“Emergency repair of chlorine line at the Filtration Plant, Barangay Taguibo, Butuan City. Areas affected is entire service area will experience low water pressure while end points of the system may be waterless,” text message ni Barquin.

Pagmuntar og Solar Cell, Aprub sa Aneco

Ni Alex Mapoy

BUTUAN CITY – Aprubado sa Agusan del Norte Electric Cooperative (Aneco) Inc. nga mo gamit ang mga konsumidor og Solar Cell sa panimay.

Sumala ni Aneco Technical Services Department Manager Engr. Darwin T. Daymiel, dako og tabang ang Solar Cell nga maminusan ang gikinahanglang suplay sa kuryente sa tibuok probensya sa Agusan del Norte.

Tambag lamang ni Engr. Daymiel, adiser ang konsumidor mo taud og Solar Cell, mo duso una kini og aplikasyon sa Aneco sa ingon mahimo kining legal.

Dugang ni Engr. Daymiel, dunay kasabotan nga permahan ang aplikante ug Aneco kabahin sa plano niining pagtaud og Solar Cell sa kaugalingong panimay.

Reklamo Batok Employer Nagpadayon

Ni Alex Mapoy

NLRC Caraga Administrative Office V
Robert M. Aying

BUTUAN CITY – Ubay – ubay pa gihapon sa mga trabahante ang makonsidera nga nalapasan sa tawhanon niining katungod human padayong nagdawat ang National Labor Relations Commission (NLRC) Caraga og mga reklamo batok sa gitrabahoang establisyemento o kompanya.

Basi sa datos, nakadawat ang buhatan adtong Agosto og 32 ka mga kaso diin 31 niini ang gikan sa lokal nga pangimpleyo samtang ang isa gikan sa langyaw nga panarbaho.

Sumala ni NLRC Caraga Administrative Office V Robert M. Aying, kutob sa mga kaso nga iduso sa nagkadaiyang reklamante, ila kining dawaton.

Mo lungtad lamang sa unom ka bulan ang pagdungog sa maong reklamo diin langkob niini ang pagahimuong pag-areglo aron dili mo dako ang kaso ug dili na usab mahasol pa ang duha ka habig.