Rebel Extortion, Gibantayan

Ni Alex Mapoy

401st Brigade Philippine Army Commander 

Col. Alexander Macario

PROSPERIDAD, Agusan del Sur – Wala pay na monitor sa Armed Forces of the Philippines (AFP) nga dunay pulitiko sa rehiyon nga gisugdan pagpangilkil sa rebeldeng New Peoples Army (NPA).

Sumala ni 401st Brigade Philippine Army Commander Col. Alexander Macario, hugot ang ilang gihimo nga monitoring bahin sa extortion activity sa mga rebelde ngadto sa mga pulitiko nga nagpadayag nga magpapili sunod tuig.

Dugang ni Col. Macario, kon basehan ang kasinatian sa nanglabay nga eleksyon, kadtong mga kandidato nga mangampanya sa kabukiran ang pangayoan kini og bayad alang sa “permit to campaign” ug permit to win.”

Gipasabot sa opisyal, ang maong buhat sa mga rebelde, makonsidera nga usa ka matang sa pagpangilkil.

“Isa yon sa ating minomonitor yong permit to win and permit to campaign. Ano yan, eh. Extortion scheme nila yan. Nilalapitan nila yong kandidato para magbigay ng certain amount para papayagan daw na magkampanya sa bundok. Wala pang official na report. Pero may lumalabas basing sa passed election naman yon. Wala pa ngayon,” pahayag ni Col. Macario.

Subay niini, nag-awhag ang opisyal sa tanang pulitiko nga sakop sa ilang hurisdiksyon partikular na sa Agusan del Sur ug Agusan del Norte nga kon ugaling pangayoan kini sa rebelde og bayad alang sa permit to campaign ug permit to win, angayan nga isumbong gilayon kini kanila aron kahatagan sa tukmang aksyon.