Pag-ayo sa Chlorine Line, Gisaway

Ni Alex Mapoy

BCWD Senior Public Relations Officer Ramil S. Barquin

BUTUAN CITY – Upat ka oras nga nasinatian ang hinay nga pressure sa tubig sa tibuok service area sa Butuan City Water District (BCWD) kagahapon sa buntag human nagpahigayon og repair sa chlorine line sa Filtration Plant, Barangay Taguibo ning siyudad.

Sumala ni BCWD Senior Public Relations Officer Ramil S. Barquin, pipila ka area ang walay agas samtang ang ubang bahin ang nakasinati sa hinay nga agas sa tubig.

“Emergency repair of chlorine line at the Filtration Plant, Barangay Taguibo, Butuan City. Areas affected is entire service area will experience low water pressure while end points of the system may be waterless,” text message ni Barquin.

Alayon sa hitabo, pipila ka mga konsumidor ang nipaabot sa ilang negatibong komento sa facebook account sa BCWD, apan girespeto kini sa kadumalahan sa water district sanglit kabahin kini sa gawasnong pagpadayag.

Human na ayo ang chlorine line, gibalik ra usab ang normal nga suplay sa tubig.

Hisayran nga importante ang chlorine sanglit isa kini sa mga paagi nga mapatay ang kagaw nga posibleng mo sagol sa tubig sa water district.

Nasuta nga gi-require sa Department of Health (DOH) ang water district nga sagulan ang tubig sa pipila ka porsyento nga chlorine aron luwas kining gamiton.