Magahat Force, Wala Gi-organisa sa Militar – Col. Purisima

Ni Alvin Añonuevo/Alex Mapoy

402nd Infantry Brigade Commanding Officer Col. Isidro L. Purisima. Photo courtesy of Alvin Añonuevo 

TANDAG CITY – Gipanghimakak sa 402nd Infantry Brigade Philippine Army ang pasangil sa militanteng grupo nga sila ang nag-organisa sa Magahat/Bagani Force sa probensya sa Surigao del Sur.

Atubangan sa media, gipahayag ni Col. Isidro L. Purisima, ang Commanding Officer sa 402nd Infantry Brigade, dakong bakak ang nahisgotang pasangil sanglit ang grupo lamang sa lumad maoy nangunay pagmugna sa grupo.

Basi sa nasayran ni Col. Purisima, na organisa ang Magahat Forces adtong Oktobre 8, 2014.

Gilangkoban kini sa mga lumad kinsa dunay kasuko ug nibatok sa rebeldeng New Peoples Army (NPA).

Kasagaran matod pa sa mga membro mao ang mga kanhi membro sa NPA nga nialkontra sa armadong pakigbisog.

Ang mga nahisgotan, matod pa sa opisyal, bisan nibuwag sa walhong grupo ang mga nahisgotan, apan wala kini pormal nga ni-surrender sa goberno.

Giporma matod pa ang grupo aron batokan ang NPA nga naglihok sa probensya ug wala kini gimugna aron batokan ang kagamhanan.

Sayod usab matod pa ang grupo kon kinsa ang supporters sa mga rebelde sa ilang komunidad sanglit pipila kanila mga kanhi membro sa walhong grupo.

“Magahat Forces was organized later in 2014. Last October 8, 2014. Magahat Forces is composed of group of lumads who are against of NPA. Karamihan po sa kanila ang mga dating membro ng NPA ngunit hindi legally nag-surrender sa goberno. Dahil nga membro sila, kilala nila ang nakakasalamuha nila. Yong armadong grupo. Sino yong supporters sa kanilang barangay. Pati na yong sa white area na magbibigay sa kanila ng suportang pinansyal,” tipik sa pagklaro ni Col. Purisima.