Personahe Gipailawom sa Special Training

Ni Alex Mapoy

PPA Caraga Regional Director Josefina Cinco

BUTUAN CITY – Mokabat sa 30 ka mga personahe ug Volunteer Probation Aides (VPAs) sa Parole and Probation Administration (PPA) Caraga ang gipailawom sa Therapeutic Training sa Balanghai Hotel ning siyudad adtong adlaw’ng Bernes.

Hisayran nga ang tanang nitambong sa maong kalihokan na gikan pa sa nagkadaiyang bahin ning rehiyon kinsa nagpadayag sa ilang kasibot nga madugangan pa ang ilang kahibalo.

Nidagit - Patay sa Mayor ug Anak, Giangkon sa NPA?

Ni Alex Mapoy

Han-ay sa mga rebelde kinsa nipakita sa ilang puwersa

BUTUAN CITY – Halos mag-isa ka semana adiser pa gi-angkon sa New Peoples Army (NPA) ang pagpangdagit – patay kang Loreto Agusan del Sur Mayor Dario Otaza ug sa anak niining si Daryl.

Hustisya Inspirasyon sa Manilakbayan

Ni Alex Mapoy

MANILAKBAYAN. Hustisya ug pagpasibaw sa tinuod nga kahimtang sa Mindanao, inspirasyon sa tanang delegasyon. Photo courtesy of Karapatan Caraga

BUTUAN CITY – Inspirasyon sa 60 ka mga delegado sa Manilakbayan nga na gikan sa rehiyon sa Caraga mao ang paghatag sa hinanaling hustisya ngadto sa mga biktimang lumad nga yanong gipatay sa armadong grupo ug pagpasibaw sa tinuod nga kahimtang sa Mindanao.

Engkwentro sa AgNor, 1 Angol - PIA

Ni Alex Mapoy

PIA Caraga Monitoring Officer
Jennifer P. Gaitano

BUTUAN CITY – Angol ang usa ka sakop sa  23^rd Infantry Battalion, Philippine Army human naka-engkwentro ang mga membro sa rebeldeng New Peoples Army (NPA) sa Sitio Afga, Barangay Lower Olave, Buenavista Agusan del Norte adtong Sabado, alas-6:45 sa buntag.

Hisayran nga subsob ang gihimong operisyon sa mga sundawo sa nagkadaiyang bahin sa probensya sa Agusan del Norte aron dakpon ang mga responsableng nidagit patay sa mag-amahang Loreto Mayor Dario Ebasco Otaza ug Daryl Lentija Otaza, isa ka semana na ang nakalabay.

Basi sa mensahe ni Philippine Information Agency (PIA) Caraga Monitoring Officer Jennifer P. Gaitano, ang samara nga sundalo naila nga si Private First Class Jay S. Aliyacyac, sakop sa 23^rd Infantry Battalion, Philippine Army.

IP Summit Gidagsa

Ni Alex Mapoy

Kadagkoang opisyal sa nagkadaiyang tribo sa rehiyon sa Caraga uban ang mga ginsakpan.

BUTUAN CITY – Gatosan ka mga tribong lumad ang nagkatigom sa unang duha ka adlaw nga Indigenous Peoples Summit diha sa Capitol Covered Court, Capitol Compound sakop ning siyudad sa Butuan kagahapong adlawa.

Implementasyon sa IPRA, Epektibo?

Ni Alex Mapoy

Pianing Tribal Chieftain Bobby Javier uban ang kaubanang lumad

BUTUAN CITY – Epektibo alang sa mga lumad ang pagpatuman sa goberno sa Republic Act 8371 o mas nailang Indigenous Peoples' Rights Act (IPRA) of 1997 sa tibuok nasod.

Panglawas sa mga IPs, Gitutukan

Ni Alex Mapoy

HEALTH. Tinguha sa goberno nga makabaton

 sa himsog nga panglawas ang mga lumad hi-

nungdan nga gihanyag kanila ang libre nga 

serbisyong medikal, pahayag ni PhilHealth 

Caraga Public Relations Officer I 

Kenneth Po.

BUTUAN CITY – Wala gipasagdan sa goberno ang mga Indigenous Peoples (IPs) sa rehiyon sa Caraga taliwala nga nanimuyo kini sa hilit nga mga lugar.

Daghan matod pa nga mga programa ang gimugna aron lamang mabati sa mga lumad nga wala sila gipasagdan.

Gikabutyag ni PhilHealth Caraga Public Relations Officer I Kenneth Po, pinakanindot nga programa nga gihatag sa goberno ngadto kanila mao ang serbisyong panglawas.

Dugang ni Po, gihanyag ang maong serbisyo nga libre ngadto sa mga nahisgotan diin bisan wala sila na ospital, mahimo kining magpa-konsulta sa pinakaduol nga Health Center o kaha sa Rural Health Center.

Mapahimuslan matod pa sa opisyal ang mga libreng serbisyo diin gawas sa konsultasyon, mahatagan usab ang mga nahisgotan sa libreng tambal o medisina.

Katarungan sa opisyal nga gihimo kini sa goberno aron mamintina ang kahimsog sa panglawas sa mga lumad kinsa gikonsidera sa kadaghanan nga kanunay maulahi sa pagpahimulos sa mga serbisyo ug programa sa goberno.

IPs Gitabangan; Binhi Gitunol

Ni Alex Mapoy

BINHI. Gituohan ni DA Caraga Public 

Relations Officer II Aurelius P. Arais 

nga madugangan ang kinitaan sa mga 

lumad pinaagi sa gitunol niining mga 

binhi sa utanon.

BUTUAN CITY – Daghan nga mga lumad sa nagkadaiyang bahin ning rehiyon sa Caraga ang nakadawat og mga binhi sa nagkadaiyang klase sa utanon gikan sa Department of Agriculture (DA).

Ang maong pagpanghatag sa ahensya gihimo isip pagduyog sa ika-18 nga tuig sa kasumaran sa Indigenous Peoples' Rights Act of 1997” (IPRA).

Gikabutyag ni DA Caraga Public Relations Officer II Aurelius P. Arais, walay gipili ang rehiyonal nga buhatan kon hisgotan ang paghatag serbisyo sanglit ang ahensya gimugna alang sa tanan.

Dugang ni Arais, gawas sa mga binhi sa gulay, gihatagan usab ang mga lumad og mga basahon kansa gilauman sa opisyal nga makahatag giya sa mga lumad alang sa pagtikad sa kaumahan.

Palit sa Bulak, Pabiling Hinay

Ni Alex Mapoy

 

BUTUAN CITY – Hinay pa ang palit sa nagkadaiyang klase sa bulak sa dakbayan taliwala pa man nga nagkaduol na ang Kalag-Kalag.

Distributed Armchairs, Nilansang sa 48,000

Ni Alex Mapoy

Photo courtesy of EFG of DENR 

Caraga

BUTUAN CITY – Halos singkwenta mil na ka mga armchairs ang na apud-apod sa Department of Environment and Natural Resources (DENR) Caraga ngadto sa nagkadaiyang pampublikong tunghaan ning rehiyon.

Sa datos, mokabat sa 48,366 ka mga armchairs ang natunol sa ahensya sukad gisugdan ang P-Noy Bayanihan Project ni Pangulong Noynoy Aquino sa tuig 2011.

Gikabutyag ni DENR Caraga Communication and Development Office Supervisor Eric Gallego, mismo si newly-installed chief sa Enforcement Division, DENR 13 Technical Services Modesto Lagumbay ang nikomperma nga ang maong gidaghanon sa mga armchairs katumbas kini sa 712,526.85 board feet nga mga kahoy nga nakompiska sa ahensya gikan sa mga illegal loggers.

Nilampos ang ahensya pagtunol sa maong gidaghanon sa mga armchairs tungod sa tabang sa Department of Education (DepED), TESDA, ug PAGCOR.

Imbestigasyon sa Lumad Killing, Bukas sa Tanan

Ni Alex Mapoy

Photo courtesy of Karapatan Sa Caraga

BUTUAN CITY –  Abre sa tanan ang pagahimuon nga imbestigasyon sa International Fact Finding Mission (IFFM) sunod semana.

Ekonomiya Mas Mo Kusog?

Ni Alex Mapoy

BUTUAN CITY – Gilauman nga mas makapakusog sa ekonomiya ang implementasyon sa onse bilyones nga kantidad sa Philippine Rural Development Project (PRDP) Infra-Sub-Projects human kini hingpit nga na aprubahan subay sa kompermasyon sa National Project Coordination Office (NPCO).

Gihimo ang pagkomperma sa NPCO atol sa gipahigayon nga PRDP I-BUILD Component 7th Assessment and Coordination Meeting sa nakalabay nga semana.

Sumala ni Department of Agriculture (DA) Caraga Information Officer I Fretcher Magatao, gi-aprubahan sa NPCO ang 190 ka mga subprojects nga nagkantidad og P11.3 bilyones.

2 Kongresista ug 2 Gobernador Magpapili sa AgNor

Ni Alex Mapoy 

LP Team ni Governor Ma. Angelica Rosedell Amante – Matba

AGUSAN DEL NORTE – Duha ang magpapili pagka-kongresista, 2 usab sa pagka-gobernador, ug 15 pagka-board members sa una ug ikaduhang distrito sa Agusan del Norte.

Kalihokan sa Nacoco Week, Kasado Na

Ni Alex Mapoy

Parole and Probation Office II Alex Castaños

BUTUAN CITY – Plastado na ang tanang kalihokan sulod sa isa ka semana nga kalihokan alang sa pagsaulog sa National Correctional Consciousness (NaCoCo) sunod semana.

Ang nahisgotang kalihokan pasiugdahan sa Butuan City Jail uban sa pag-abag sa ubang ahensya sa goberno sama sa Parole and Probation Administration (PPA) Butuan ug Prison Apostolate sa Simbahang Katoliko.

Pipila sa aktibidad nga nakahan-ay mao ang Volleyball Friendship Game, Basketball Friendship Game, Parlor Games, Legal Counselling, Medical and Dental Mission, Information Drive sa Parole  and Probation Office Butuan, Mr. & Miss BCJ, ug Family Day with Live Band.

Direktor Gibati’g Kadismaya

Ni Alex Mapoy

DENR Caraga Communication and Development
Office Supervisor Eric Gallego

SURIGAO DEL SUR – Dako nga kadismaya ang gibati ni Department of Environment and Natural Resources (DENR) Caraga Regional Director Nonito M. Tamayo tungod sa inanay nga pagkawala sa mga langgam sa kalasangan sa Surigao del Sur.

Sumala ni DENR Caraga Communication and Development Office Supervisor Eric Gallego, nasubo si Dir. Tamayo sanglit ang nagkadaiyang klase sa langgam nga makita niadto sa mga tawo, ang inanay na nga nahanaw.

Nagsilbi matod pa ang mga langgam nga bahandi sa mga Surigaonon, apan inanay nga nahanaw tungod sa binuhatan sa mga tawo.

Hisayran nga dekada nobenta, managlahing klase sa langgam ang makita pa niadto sa katawhan sama sa blue fantails, writhed hornbills, rufous-fronted tailorbirds, brown tit-babblers, leafbirds, celestial monarch, Mindanao heart-bleeding pigeon, Mindanao Broadbill, ug Philippine Eagle.

PPP Gibisita sa Pastoral Council

Ni Alex Mapoy

Opisyales sa Saint Joseph Pastoral Council nibisita sa Public-Private Partnership (PPP) Treated Bulk Water Project sa Sitio Iyao, Brgy Anticala ning siyudad. Photo courtesy of BCWD

BUTUAN CITY – Gikalipay sa mga opisyales sa Saint Joseph Pastoral Council human nilawas nga nakita ang kalamboan sa Public-Private Partnership (PPP) Treated Bulk Water Project nga nahimutang sa Sitio Iyao, Brgy Anticala ning siyudad.

Kandidatora Daugon sa Estratihiya?

Ni Alex Mapoy 

Governor Ma. Angelica Rosedell Amante – Matba ug Sadeka Garcia-Tomaneng

AGUSAN DEL NORTE – Daugon matod pa sa estratihiya sa pangampanya ang posisyon sa pagka-gobernador sa Agusan del Norte human wala nahinayon ang igsuon batok igsuon sa pagka-gobernador ning probensya.

Pasiatab sa Kusgan, Gikaminusan

Ni Alex Mapoy

Governor Ma. Angelica Rosedell Amante – Matba ubos sa partidong Liberal

AGUSAN DEL NORTE – Gikaminusan sa partidong Liberal kansang partido nga gipasilongan ni Governor Ma. Angelica Rosedell Amante – Matba ang pasiatab sa Nacionalista Party – Partido Kusog Agusanon Coalition ni Cong. Erlpe John “Ping” Amante nga mangdaug ang tanan niining kandidato sa umaabot nga eleksyon ug pildihon ang tanang kandidato sa Liberal.

Kusgan Nahimong Kampante

Ni Alex Mapoy

Nacionalista Party – Partido Kusog Agusanon Coalition

AGUSAN DEL NORTE – Kampante ang Nacionalista Party – Partido Kusog Agusanon Coalition ni Congressman Erlpe John “Ping” Amante nga pildihon ang kaatbang nga gipangulohan sa pursoso nga igsuon niining si Governor Ma. Angelica Rosedell Amante-Matba kinsa maoy nagdumala sa Liberal Party sa probensya.

Law Suportado sa Partidong Kusgan

Ni Alex Mapoy 

Congressman Erlpe John “Ping” Amante

AGUSAN DEL NORTE – Suportado ni Agusan del Norte 2nd District Congressman Erlpe John “Ping” Amante ang kandidatura ni Agusan del Norte 1^st District Congressman Lawrence Lemuel “Law” H. Fortun.

Ang maong suporta gikomperma mismo ni Cong. Amante dihang gipiga sa mga media practitioners atol sa Grand Proclamation Rally sa Nacionalista Party – Partido Kusog Agusanon Coalition adtong Bernes human sa pagduso sa ilang Certificate of Candidacies (COCs).

Examinees, Pakyas Pag-Eksam

Ni Alex Mapoy

BUTUAN CITY – Pipila ka mga examinees sa professional ug sub-professional ang pakyas pag-eksam taliwala nga kagahapong adlawa ang schedule.

Wala naka-eksam ang pipila kanila human na late kini sa gitakdang oras nga makasulod sa designated nga examination room.

Gipahayag ni CSC Caraga Regional Director Resurreccion Pueyo, niadtong nag-aplay ang mga nahisgotan alang sa eksaminasyon, gipasabot na silang daan nga kinahanglan nga adiser ang alas-7:00 ang takna sa buntag sa gitakdang adlaw sa eksaminasyon, anaa na kini sulod sa designated examination room aron makapangandam sa eksam.

IFFM Mag-imbestiga sa Lumad Killings

Ni Alex Mapoy

Hustisya sa kamatayon sa mga biktima sa Bagani Forces, pabiling hanap. Pasalig sa awtoridad nga panakpon ang mga kriminal, pulos lamang estorya, apan walay nakitang resulta

SURIGAO DEL SUR – Lima ka adlaw nga mag-imbestiga ang International Fact Finding Mission (IFFM) kabahin sa lumad killings sa probensya sa Surigao del Sur karong Oktobre 26 – 30, 2015.

Cabadbaranon sa Team Mortola, OK

Ni Alex Mapoy

Katrina Marie “Kat” Ortiz Mortola nakiglamano sa mga Cabadbaranon

CABADBARAN CITY – Liboan ka mga supporters sa Nacionalista Party – Partido Kusog Agusanon Coalition ni Katrina Marie “Kat” Ortiz Mortola ug kaubanan ang nikuyog samtang ang uban ni-atang sa pormal nga pagduso sa Certificate of Candidacy (COC) ngadto sa Commission on Election (Comelec) Cabadbaran.

Ambisyon Pagka-Liga President, Dakong Bakak

Ni Alex Mapoy

Doongan Barangay Captain Bert Enriquez

BUTUAN CITY – Wala nahangol ug nangambisyon si Doongan Barangay Captain Bert Enriquez sa pagka-Liga President sukwahi sa alegasyon ni ABC President Nestor Amora batok kaniya nga interesado kini sa maong puwesto.

Sumala ni Enriquez, wala siya nangandoy sa maong puwesto dungan sa pagklaro nga dili angayang ilihis ni Amora ang isyu kondi dawaton ang kamatuoran nga nawad-an na og pagsalig ang mayorya sa mga kapitan ning siyudad kaniya.

Dugang ni Enriquez, tungod sa maong kamatuoran, mas maayo matod pa kini nga mag-voluntary resign kana kon duna kini konsensiya.

Liga President, Gustong Ilogan?

Ni Alex Mapoy

Butuan City ABC President Nestor Amora

BUTUAN CITY – Mapangahason nga gi-alegahan ni Butuan City ABC President Nestor Amora si Doongan Barangay Captain Bert Enriquez nga interesado sa iyang puwesto hinungdan nga gusto siyang ilisan.

Pagsaka sa Kasong Drugas, Gikasakit

Ni Alex Mapoy

Ronnie Vicente “RCL” Lagnada

BUTUAN CITY – Gikasakit sa inilang negosyante sa dakbayan sa Butuan ang padayon nga pagsaka sa kaso sa gidiling drugas.

Justice for Lumad, Suportado sa AFP

Ni Alex Mapoy

Camp Bancasi, Butuan City

BUTUAN CITY – Suportado sa Armadong Kusog sa Pilipinas ang panawagan sa militanteng grupo nga kab-uton ang hinanaling hustisya sa kamatayon ni ALCADEV Executive Director Emerito “Emok” Samarca.

Info Drive Batok Pagkawala sa mga Langgam Gipakusgan

Ni Alex Mapoy

DENR Caraga Communication and Development Office Supervisor Eric Gallego

BISLIG CITY – Tinguha sa Department of Environment and Natural Resources (DENR) Caraga nga dili mawala sa hingpit ang mga langgam nga talagsa na lang makita hinungdan nga gipalapdan ang information drive sa ahensya didto sa dakbayan sa Bislig.

Bakakon Isyu Gikasuko

Ni Alex Mapoy

BAKAKON ISSUE. Giangkon ni Butuan City 

Councilor Engr. Sergio “Serge” Pascual nga 

siya ang gitumbok sa artikulo nga “Konsehal 

Gitudlong Bakakon” dihang nahinabi sa news 

team pinaagi sa cellphone sa mismong 

secretary.

BUTUAN CITY – Walay lipud-lipod nga giangkon ni Butuan City Councillor Engr. Sergio “Serge” Pascual nga nasuko kini sa Mindanao Centro Daily human gimantala ang artikulo nga “Konsehal Gitudlong Bakakon” adtong Martes, Oktobre 13, 2015.

Sumala ni Pascual, nasuko siya sa mantalaan sanglit wala siya kuhai og komento bahin sa maong artikulo.

Bunga sa kasuko, gipatas-an pa niya og tingog ang babaeng reporter nga si Angel Gaviola adtong Martes, sa Session Hall mismo sa Butuan City Hall ug adtong tungora, nabaling ang atensyon sa mga tawo nga atua sulod sa maong dapit kanila.

Pamugos ni Pascual, ang maong artikulo gipagawas aron ipagawas nga siya usa ka bakakon nga unta pila ra man matod pa pagtawag kaniya o kaha pagbisita sa iyang opisina aron mahatag ang dokumento.

“Nasuko ko ana kay ngano man nga wala ninyo gikuha ang akong side. Dapat unta, naa man mo sa media, sa print media, dapat para makuha ninyo ang fair reporting, dapat kuhaon sab ninyo ang side sa usa ka tawo pareha nako. Dili kay idiretso lang ninyo nga, nga murag kuan ba nga nigawas, ipagawas ninyo nga bakakon ko. Pila ra man pagtawag ninyo sa ako or pagbisita ninyo sa ako opisina, para mahatag nako ninyo ang mga dokumento nga wala ko nagbakak kana,” pag-angkon ni Pascual.