BUTUAN CITY – Hinay pa ang palit sa
nagkadaiyang klase sa bulak sa dakbayan taliwala pa man nga nagkaduol na ang
Kalag-Kalag.
Bisan pa
man, malaumon ang mga nanag-iya og flowershop nga mo kusog ang halin pag-abot
sa Nobyembre 1 hangtod 2 nga maoy adlaw sa tingdagkot ug tingduaw sa mga lubong.
Gikabutyag
ni Anna Oliver Polpol, lauman nga mo saka ang presyo sa mga bulak sa mo sunod
nga mga adlaw dungan sa panghinaut nga mo kusog usab ang halin.
Sa
flower price watch sa Mindanao Centro Daily, ang bulak nga rosas, mapalit sa
tag – P15 ang buok ug P180 ang dosena; ang rosas nga gisulod sa basket, mapalit
sa tag – P100 hangtod P250; Chrysanthemum, mapalit sa tag – P15 ang stick ug
tag – P220 ang dosena sa retail price; flower stand, mapalit sa tag – P300
hangtod P500; ang flower stand nga round arrangement, mapalit sa tag – P1,500;
ang small size nga wonder white, mapalit sa tag – tulo P20; gladiola, tag – P20
ang buok ug mahimo usab mapalit sa tag – tulo P50; flower gold, tag – P20 ang
stick; dahlia, tag – P50 ang dosena; baby’s breath, tag – P150 ang bundle sa
retail price; anthorium, tag – P15 ang buok; mums flower, tag – tulo P100;
puwede usab mapalit ang mums sa tag – P20 ang buok; basket nga walay bulak,
mapalit sa tag – P25 ang buok; ug daghan pang uban.
Hisayran
nga kasagaran nga mga bulak nga gibaligya sa siyudad ang inangkat gikan sa mga
kasikbit nga siyudad sama sa Davao, Cagayan de Oro, Cebu, samtang ang uban
gikan sa Luzon area.
No comments:
Post a Comment