Monday, October 19, 2015

2 Kongresista ug 2 Gobernador Magpapili sa AgNor

Ni Alex Mapoy 
LP Team ni Governor Ma. Angelica Rosedell Amante – Matba
AGUSAN DEL NORTE – Duha ang magpapili pagka-kongresista, 2 usab sa pagka-gobernador, ug 15 pagka-board members sa una ug ikaduhang distrito sa Agusan del Norte.

Basi sa opisyal nga datos sa Commission on Election (Comelec) – Agusan del Norte, magpapili pagka-kongresista sila Incumbent Cabadbaran City Mayor Dale Corvera ug Incumbent Congressman Erlpe John Amante.

Si Corvera nilansad ilawom sa partidong Liberal samtang si Cong. Amante, nipasilong sa Nacionalista Party ug gipangunahan ang lokal niining partido nga Kusog Agusanon.

Pagka-gobernador, magtigi sila Incumbent Governor Ma. Angelica Rosedell Amante – Matba kinsa anaa sa partidong Liberal ug Sadeka Garcia – Tomaneng kinsa nipasilong sa Nacionalista Party - Kusog Agusanon Coalition.

Alang sa pagka-bise-gobernador, suble nga magpapili si Incumbent Vice – Governor Ramon AG. Bungabong ug atbangan kini ni Roy Orlando Doyon.

Sa pagka-board member sa partidong Liberal sa pagpanguna ni Gov. Matba, magpapili sila Erwin Dano; Francisco Chan, Jr.; Ryan Jade Lim; Antidio Amora; Elizabeth Marie Calo; Rodulfo Pitogo; Aquino Gambe; ug sa unang distrito si Virgilio Escasiñas, Jr.
Atbangan usab kini sa opisyal nga kandidato sa Nacionalista Party – Kusog Agusanon Coalition ni Cong. Amante nga sila Lucia Jundis; Salutario Cuasito; Harris Glenn Puyot; Daniel Racaza; Jimmy Dejolde; Lorito Maragañas; Dick Victor Carmona; ug sa unang distrito si Lilibeth Tomilap.
Nacionalista Party - Kusog Agusanon Coalition
Laing magpapili pagka-board member sa probensya mao si Vicente Talili kinsa usa ka independent candidate.

Nanghinaut ang mga Agusanon nga kon si kinsa man ang palaran sa umaabot nga piliay, hatagan sa de kalidad nga serbisyo ang probensya alang sa tinuod nga kalamboan.

No comments:

Post a Comment