Nidagit - Patay sa Mayor ug Anak, Giangkon sa NPA?

Ni Alex Mapoy

Han-ay sa mga rebelde kinsa nipakita sa ilang puwersa

BUTUAN CITY – Halos mag-isa ka semana adiser pa gi-angkon sa New Peoples Army (NPA) ang pagpangdagit – patay kang Loreto Agusan del Sur Mayor Dario Otaza ug sa anak niining si Daryl.

Basi sa nakuhang impormasyon, nagpagawas matod pa og mensahe ang tigpamaba sa Southern Mindanao Command sa CPP-NPA kinsa nagpaila sa pangalang Rigoberto Sanchez nga sila ang nipatay sa mag-amahang Otaza tungod matod pa sa kadaghan sa gipapatay ug gipanghulga sa mga biktima hinungdan kini gisilotan.  

Gi-alegahan pa ni Sanchez nga ang mag-amahan maoy utok matod pa sa pagpatay sa pipila ka mga lumad sa pipila ka bahin sa probensya sa Agusan del Sur.

Pipila matod pa ka mga armas nga nakuha sa ilang grupo gikan sa panimay sa pamilyang Otaza mao ang isa ka Bushmater rifles, isa ka AK-2000 rifle, duha ka .45 Caliber pistol ug isa ka AK-47 assault rifle

Saad usab sa grupo nga i-uli ang nakuha niining salapi balor P25,000 nga gipanag-iyahan sa mayor.

Bisan unsa pa nga mga alegasyon ang gihapak sa matod pa rebelde ngadto sa mga biktima, daan nang nihangyo ang igsuon ug Chief of Staff ni Mayor Otaza nga si Wilfredo ngadto sa mga supporters nga dili ibutang sa kaugalingong kamot ang pagkab-ot sa hustisya kondi isalig lamang kini ngadto sa awtoridad sama sa militar ug kapulisan.

Dumduman nga direktang gitudlo nila 4^th Infantry Division Commander MGen Oscar Lactao ug OIC - Police Director PSSupt Francisco Damayo Dungo, Jr. Dungo sa Butuan City Police Office nga ang walhong grupo maoy responsable sa kremin atol sa gipahigayong press conference sa Butuan City Hall.