 |
| Nacionalista Party – Partido Kusog Agusanon Coalition |
AGUSAN DEL NORTE – Kampante ang
Nacionalista Party – Partido Kusog Agusanon Coalition ni Congressman Erlpe John
“Ping” Amante nga pildihon ang kaatbang nga gipangulohan sa pursoso nga igsuon
niining si Governor Ma. Angelica Rosedell Amante-Matba kinsa maoy nagdumala sa
Liberal Party sa probensya.
Sumala
ni Cong. Amante, atol sa gipahigayong Grand Proclamation Rally human sa pagduso
sa ilang Certificate of Candidacies (COCs) sa Provincial Comelec adtong Bernes,
dako ang ilang tsansa nga mangharos sa umaabot nga eleksyon.
Magsilbi
matod pang pruweba nga sila mangdaug mao ang pagsuporta sa 7 ka mga incumbent
mayor sa tibuok probensya ug 132 ka mga barangay nga niabin sa ilang grupo.
Ang pito
ka mga mayor nga nipasilong sa grupo ni Cong. Amante mao sila Carmen Mayor M.
Ramon; Nasipit Mayor Enrico R. Corvera; RTR Mayor Ernie M. Ceniza; Magallanes
Mayor Demosthenes H. Arabaca; Tubay Mayor Fidel E. Garcia, Jr.; Jabonga Mayor
Jasmin F. Monton; ug Kitcharao Mayor Aristotle E. Montante.
Gipasabot
sa kongresista, ang pag-abin sa pito ka mga mayor sa probensya kaniya,
nagpamatuod lamang nga siya usa ka ka maayong lider.
“Ang maayong lider, dili biyaan sa iyang
mga tawo,” pagpasabot ni Cong. Amante.
Subay sa
pagduso sa COCs sa grupong Kusog Agusanon, ang magpapili Pagka-Kongresista sa
unang distrito sa Agusan del Norte mao si Cong. Erlpe John “Ping” Amante;
Pagka-Gobernador Sadeka Garcia Tomaneng; Pagka-Bise-Gobernador Roy Orlando D.
Doyon; Pagka-Board Member sila Salutario B. Cuasito, Lorito Q. Maraganas,
Harris Glenn D. Puyot, Lucia E. Jundis, Daniel O. Racaza, Jimmy Dejolde, Dick
Victor B. Carmona; ug sa unang distrito, si Lilibeth M. Tomelap
No comments:
Post a Comment