Engkwentro sa AgNor, 1 Angol - PIA

Ni Alex Mapoy

PIA Caraga Monitoring Officer
Jennifer P. Gaitano

BUTUAN CITY – Angol ang usa ka sakop sa  23^rd Infantry Battalion, Philippine Army human naka-engkwentro ang mga membro sa rebeldeng New Peoples Army (NPA) sa Sitio Afga, Barangay Lower Olave, Buenavista Agusan del Norte adtong Sabado, alas-6:45 sa buntag.

Hisayran nga subsob ang gihimong operisyon sa mga sundawo sa nagkadaiyang bahin sa probensya sa Agusan del Norte aron dakpon ang mga responsableng nidagit patay sa mag-amahang Loreto Mayor Dario Ebasco Otaza ug Daryl Lentija Otaza, isa ka semana na ang nakalabay.

Basi sa mensahe ni Philippine Information Agency (PIA) Caraga Monitoring Officer Jennifer P. Gaitano, ang samara nga sundalo naila nga si Private First Class Jay S. Aliyacyac, sakop sa 23^rd Infantry Battalion, Philippine Army.

Gikaingon nga nagpahigayon og operisyon ang tropa sa 23^rd IB sa bukirang bahin sa maong lungsod sa pagpanguna ni 2Lt. Mayo aron dakpon ang mga rebelde nga posibleng maoy nipatay sa mag-amahang Otaza.

Nakabagat sa tropa ni 2Lt. Mayo ang kapin kon kulang napulo ka mga sakop sa mga rebelde hinungdan nagkapinusilay ang duha ka grupo sulod sa pipila ka minutos.

Walay swerteng na igo sa mga bala sa kaaway si Aliyacyac hinungdan sa pagka-angol.

Dili usab masuta kon dunay samaran sa habig sa mga kaaway sanglit paspas kining nanibat padulong sa kalasangan.

“(SitRep) At around 6:45am today, Oct. 24, a troop of 23IB led by 2Lt Mayo has encountered more or less 10 NPA members at sitio Afga, Brgy. Lower Olave in Buenavista, Agusan del Norte while in support to law enforcement operations in relation to the continuous search and apprehension of the responsible suspects of the killings of the late mayor Otaza and his son. This has resulted to one(1) wounded in action on the government side in the person of private Jay S. Aliyacyac, PA while undetermined on enemy side. Hot pursuit operation ongoing. FYI,” mensahe ni Gaitano.

Sa pagsulat ning balita, wala pay opisyal nga pahayag ang kasundalohan kabahin sa kahimtang sa samaron niini nga sakop.