 |
| DENR Caraga Communication and Development Office Supervisor Eric Gallego |
SURIGAO
DEL SUR – Dako nga kadismaya ang gibati ni Department of Environment
and Natural Resources (DENR) Caraga Regional Director Nonito M. Tamayo tungod
sa inanay nga pagkawala sa mga langgam sa kalasangan sa Surigao del Sur.
Sumala ni DENR Caraga
Communication and Development Office Supervisor Eric Gallego, nasubo si Dir.
Tamayo sanglit ang nagkadaiyang klase sa langgam nga makita niadto sa mga tawo,
ang inanay na nga nahanaw.
Nagsilbi matod pa ang mga
langgam nga bahandi sa mga Surigaonon, apan inanay nga nahanaw tungod sa
binuhatan sa mga tawo.
Hisayran nga dekada nobenta,
managlahing klase sa langgam ang makita pa niadto sa katawhan sama sa blue
fantails, writhed hornbills, rufous-fronted tailorbirds, brown tit-babblers,
leafbirds, celestial monarch, Mindanao heart-bleeding pigeon, Mindanao
Broadbill, ug Philippine Eagle.
Ang nahisgotan nga mga klase sa
langgam ang talagsa na lamang kini makita sa lasang human natugaw.
Pipila sa mga hinungdan nga
gitumbok sa direktor nganong nahanaw ang maong klase sa mga langgam mao ang
kuyanap niadto nga pagpamutol sa kahoy, paghimong plantasyon sa dakong bahin sa
probensya, ug daghan pang uban.
Basi sa pagtuon sa mga eksperto,
ang probensya sa Surigao maoy nagsilbing dangpanan sa mga langgam nga na gikan
sa kasikbit nga mga nasod, apan tungod sa pagkagusbat sa lasang, wala nay
kadangpan ang mga langyaw nga langgam.
No comments:
Post a Comment