Thursday, September 24, 2015

Project Turnover Gitakda

Ni Alex Mapoy
BUTUAN CITY – Pipila ka dakong proyekto sa Department of Agriculture (DA) Caraga ang gitakda nga i-turnover ngadto sa probensya sa Agusan del Sur adiser mahuman ang kasamtangang bulan.

Wala gipahayag ni DA Caraga Public Relations Officer II Aurelius P. Arais kon unsa ang nahisgotang mga proyekto, apan gipaneguro sa opisyal nga mapahimuslan kini sa tanan.

Dugang ni Arais, atol sa paga-himuong turnover, posible nga tambongan kini sa dakong opisyal sa ahensya nga na gikan sa kaulohang Manila.

Lauman nga buntag sayo mahiabot ang gilaumang bisita ning rehiyon aron pangunahan ang maong kalihokan.

Sa nagkaduol nga gitakdang adlaw, malaumon ang opisyal nga mas mapalambo pa ang panginabuhian sa mga Agusanon labi na sa mga lumulupyo sa naasoy’ng probensya.

Hisayran nga daghan nang mga proyektong pang-agrikultura ang napatuman sa rehiyonal nga buhatan sa nagkadaiyang dapit ning rehiyon gikan sa farm-to-market road, mechanization, ug daghan pang uban kansang proyekto nakapabentaha sa kahimtang sa pamuyo sa direktang benepisyaryo.

No comments:

Post a Comment