Monday, January 11, 2016

BCWD, Gipailawom sa Drug Test

Ni Alex Mapoy
MANDATORY RANDOM DRUG TEST. Giseguro sa kadumalahan sa Butuan City Water District nga drug-free workplace ang buhatan nga nahimutang sa J. Rosales Avenue ning siyudad sa Butuan kagahapong adlawa. Photo courtesy of BCWD
BUTUAN CITY – Otsentay – otso (88) ka mga empleyado ingon man ang kadagkoang opisyal sa Butuan City Water District (BCWD) ang gipailawom sa mandatory random drug test sa mismong buhatan sa hinapos nga bahin sa Desembre 2015.

Sumala ni BCWD Senior Public Relations Officer Ramil S. Barquin, gihimo ang random drug test isip pagsanong sa Republic Act No. 9165 o mas nailang Comprehensive Dangerous Drugs Act of 2002 labi na ang Implementing Rules and Regulations (IRR) ug DOLE Department Order No. 53-03, series of 2003.

Dugang ni Barquin, adiser gihimo ang mandatory random drug test, gipailawom una ang tanang opisyales ug mga empleyado sa Seminar on Drug-Free Workplace.

Gitin-aw sa opisyal, importante ang maong aktibidad aron maseguro ang “drug-free workplace.”

“BCWD UPDATE (12/16/15): In compliance with Republic Act No. 9165, otherwise known as the Comprehensive Dangerous Drugs Act of 2002, and its Implementing Rules and Regulations and DOLE Department Order No. 53-03, series of 2003, BCWD officers & employees, after having attended the Seminar on Drug-Free Workplace, are now undergoing the mandatory but random drug testing. This is an important component in ensuring a drug-free workplace,” mensahe ni Barquin.

Subay niini, lauman nga sa umaabot nga mga adlaw, ipagawas na ang resulta sa maong aktibidad.

No comments:

Post a Comment