Monday, August 17, 2015

Usec Ignacio, Nakigtagbo sa mga Lumad

Ni Alex Mapoy
NAKIGTAGBO: DENR Usec for Field Operations Demetrio L. Ignacio meets the tribal chiefs of Esperanza and La Paz, Agusan del Sur. In photo, Regional Director of DENR 13 Nonie M. Tamayo, OIC, PENRO Roberto Oliveros, OIC, CENR Officer Luis Gonzaga and OIC, CENR Officer Jerome Albia. Photo courtesy of Eric Gallego
BUTUAN CITY – Nilawas nga nakigtagbo si Department of Environment and Natural Resources (DENR) Undersecretary for Field Operations Demetrio L. Ignacio sa mga datu sa lumad sa duha ka lungsod sa Esperanza ug La Paz Agusan del Sur.

Sumala ni DENR Caraga Chief of the Communications Development Office Eric Herzon F. Gallego, tuyo ni Usec Ignacio pakigtagbo sa mga datu sa mga lumad mao ang pagsanong sa hangyo sa grupo aron paminawon ang habig niini.

Gipaabot sa mga datu nga lugwayan ang gihatag ni DENR Secretary Ramon Paje nga prebilihiyo kanila pag-dispose sa mga kahoy nga nadaut sa nakalabay’ng bagyong Pablo.
Hisayran ang maong prebilihiyo ni-expire adtong Hunyo 30 ning tuig hinungdan nga nangayo ang grupo og lugway.

“DENR Usec for Field Operations Demetrio L. Ignacio meets the tribal chiefs of Esperanza and La Paz, Agusan del Sur to attend to their request for extension of privilege granted them by Sec. Ramon JP Paje to dispose the typhoon Pablo -damaged trees in their area following its expiration on June 30, 2015.”

Gidaygan ni Usec Ignacio ang mga datu, ang desisyon bahin sa ilang hangyo magdepende sa resulta sa gihimong assessment ug inventory sa nahibiling mga kahoy nga nadaut sa bagyo partikular na sa mga lungsod sa La Paz ug Esperanza.

Ang maong assessment ug inventory gihimo sa duha ka team nga mga personahe sa DENR Technical Division sa rehiyonal nga buhatan.

“The decision will depend on the results of the assessment and inventory of the remaining typhoon-damaged trees in La Paz and Esperanza, Agusan del Sur being conducted by two teams of DENR technical personnel from the Regional Office,” pahayag ni Usec. Ignacio.

Kuyog sa kalihim nga nakigtabo sa mga lumad sila DENR Caraga Regional Director Nonito M. Tamayo, Officer-In-Charge PENRO Roberto Oliveros, Officer-In-Charge CENRO Luis Gonzaga, Officer-In-Charge CENRO Jerome Albia, ug daghang uban.

No comments:

Post a Comment