 |
DOH Caraga Assistant Regional Director Dr. Cesar Cassion
|
Sumala ni DOH Caraga Assistant Regional Director Dr. Cesar
Cassion, padayon ang paningkamot sa rehiyonal nga buhatan nga mawagtang sa
hingpit ang maong sakit ning rehiyon labi na nga duna pay tulo ka mga probensya
ning rehiyon – Agusan del Norte, Agusan del Sur, ug Surigao del Sur kansa pabilin
pang prone sa maong sakit.
Dugang ni Dr. Cassion, dugay na
ang kampanya sa ahensya batok sa malaria ug duha matod pa sa 5 ka mga species
sa malaria nga padayong naghatag hulga sa katawhan – ang Plasmodium falciparum
ug Plasmodium vivax.
Basi sa datos, ang tibuok nasod,
dunay 475 ka mga suspected nga kaso sa malaria kansang kaso natala gikan sa
bulan sa Enero hangtod Septembre 5, 2015. Sa kinatibuk-ang ihap, 450 niini ang
nag-positibo sa maong sakit.
Ang sakit nga malaria usa ka
matang sa sakit nga gikonsiderang “life threatening disease” tungod sa
plasmodium parasites nga mo takod ngadto sa tawo pinaagi sa pinaakan sa
infected female Anopheles mosquitos o malaria vectors.
Ang bation niadtong nataptan
niining sakita mao ang grabe nga hilanat, labad sa ulo, pagpanugnaw ug pagsuka.
Kon ugaling dili gilayon
madapatan og tambal ang pasyente sulod sa 24 ka oras, mo grabe ang maong sakit
nga mahimo pang ikamatay sa pasyente.
Subay niini, gitambag sa
rehiyonal nga buhatan ngadto sa publiko nga batasanon ang pagamit og mosketero
sa panahon sa pagpangatulog o kaha mang-spray sulod sa panimay aron mapatay ang
lamok nga carrier niining sakita.
No comments:
Post a Comment