Cottage Gisunog, Gikondina

Ni Alex Mapoy

401st Commander Col. Alexander Macario

SIBAGAT, AGUSAN DEL SUR – Gikondina sa tropa sa militar ang nahitabong pagpangsunog sa armadong lalaki sa cottage sa mga magtutudlo sa Alternative Learning Center for Agricultural and Livelihood Development (ALCADEV) nga nahimutang sa Barangay Padiay, Sibagat, Agusan del Sur adtong Huwebes sa ka adlawon.

Sa impormasyon nga gipaabot ni Jennifer P. Gaitano, ang Monitoring Officer sa  Philippine Information Agency (PIA) Caraga, gikondina ni Col. Alexander Macario, ang Commander sa 401st Infantry Brigade, Philippine Army ang hinimoan sa wala mailhing kalalakin-an ngadto sa naasoy’ng cottage.

Gikabutyag ni Col. Macario, ang bisan unsa nga pasilidad pang-edukasyon, dili angay atakihon ni bisan kinsang grupo.

Dugang ni Col. Macario, ang grupo nga nihimo sa maong pagpangsunog angay lamang manubag.

“We condemn this criminal act committed by these unknown perpetrators. Any school facility should not be an object of any attack. Perpetrators should be made to pay for the crime they committed,” pahayag ni 401st commander Col. Alexander Macario basi sa mensahe sa PIA Caraga.

Pipila ka mga gamit sa cottage nga lakip nasunog. Photo courtesy of Karapatan Caraga

Una nang gikondina ni Karapatan Caraga Secretary General Eliza Pangilinan ang gihimo sa mga responsable nga yano lamang nisunog sa nasangpit nga pasilidad.