Marijuana Kuyanap sa Butuan

Ni Alex Mapoy

Datos sa rehiyonal nga buhatan sa PDEA Caraga sa unang tulo ka mga kwarter ning tuiga. Data courtesy of PDEA Caraga

BUTUAN CITY – Dili lang shabu ang kuyanap sa dakbayan sa Butuan kondi kuyanap pa gihapon ang tanom matod pa sa demonyo – ang marijuana.

Pinasubay sa Philippine Drug Enforcement Agency (PDEA) Caraga Accomplishment Report nga gihikyad ni Regional Director Julius R. Navales, sa unang tulo ka kwarter ning tuiga, nakakompiska ang mga sakop sa naasoy’ng buhatan og 1 ka kilo ka marijuana nga nagkantidad og P35,000.35.

PDEA Caraga Regional Director
Julius R. Navales

Gawas sa dakbayan sa Butuan, kuyanap gihapon ang marijuana sa probensya sa Agusan del Sur diin nakakompiska ang operatiba sa maong buhatan og 26,954.54 gramos katumbas sa 26 kilos ug 954.54 gramos o halos mag-duha ka kilo ug dunay market value nga P943,407.50.

Una nang nitala ang siyudad sa Butuan nga dunay pinakadaghang shabu nga nakompiska sa unang tulo ka mga kwarter diin halos mag-isa ka kilo.

Ang maong datos eksklusibo lamang sa operisyon sa ahensya, wala pay labot ang mga nakompiska sa ginsakpan sa kapulisan sa tibuok rehiyon.

Subay niini, gipakusgan sa rehiyonal nga buhatan ang gihimong pagpaniktik sa ingon makompiska ang tanang marijuana ingon man shabu nga gibaligya sa mga pushers ning siyudad ug sa tibuok Caraga.