Serbisyong De Kalidad, Gihangyo

Ni Alex Mapoy

Hulagway sa Public – Private Partnership (PPP) Project. Kuha adtong bulan sa Oktobre 2015. Kuha sa BCWD

BUTUAN CITY – De kalidad ug malahutayong serbisyo ang gihangyo sa katawhang konsumidor ngadto sa Butuan City Water District (BCWD) nga mahatag.

Kalit lamang mawagtang ang suplay sa tubig labi na kon grabe kaayo ka lubog ang suba sanglit awtomatiko nga i-shutdown ang pasilidad nga nahimutang sa Sitio Iyao, Barangay Anticala ning siyudad tungod sa dili matagna nga kahimtang sa panahon labi na sa Watershed Area.

Sa kalit nga pagkawala sa suplay sa tubig, liboang konsumidor ang maperwisyo sanglit wala kini magamit sa inadlaw’ng panginahanglan sama sa pinakaulahing hitabo nga gi-shutdown ang pasilidad tungod sa pagbunok sa ulan.

Nisinta sa kasuko ang mayorya sanglit wala gilayon kini napasidan-an nga mawagtang ang suplay sa tubig hinungdan nga wala nakapundo.

Alayon niini, gihangyo ni BCWD Senior Public Relations Officer Ramil S. Barquin ang tanang konsumidor, angayan nga matag adlaw o adiser mo biya sa panimay, magpundo na kining daan og daghang tubig aron kon mawagtang ang suplay sa tubig, dunay magamit nga tubig sa pagpauli.

“We suggest the consuming public to store water to meet domestic needs,” suhestyon ni Barquin.

Ang maong suliran pabilin pa nga wala nahatagan og kasulbaran hangtod sa kasamtangan labi na kon bundakan sa makusog nga ulan ang watershed, apan nanghinaut ang mga konsumidor nga matilawan na sunod bulan ang serbisyo sa Public – Private Partnership (PPP) Project sa ingon mo sugat ang mga konsumidor sa bag-ong tuig nga mapahiyumon ug dili mag-antos sa sama nga suliran.