Tuesday, August 4, 2015

Konsumidor Daling Giabisohan

Ni Alex Mapoy
ADVISORY: Bunga sa dili matagna nga dagan sa panahon sa Taguibo Watershed Area, giabisohan sa water district ang tanang konsumidor nga magtigom og daghang tubig aron duna kini magamit kon ugaling mawala ang suplay. Photo courtesy of BCWD.
BUTUAN CITY – Gi-abisohan ang tanang konsumidor sa Butuan City Water District (BCWD) nga dili angayan nga mahimong kampante subay sa pagbalik sa normal nga pressure sa tubig.

Tambag ni BCWD Senior Public Relations Officer Ramil S. Barquin ang tanan nga magtigom og daghang tubig aron duna kini magamit sa higayon nga mawala ang suplay.

Sa pinakaulahing monitoring sa water district ngadto sa watershed area, padayon nga gihabolan sa dag-um ang maong dapit hinungdan nga sa matag karon ug unya, masinatian sa maong dapit ang kalit nga pag-ulan.

Kon ugaling kusog ang bundak sa ulan, segurado nga malubog ang Taguibo river ug kini maoy hinungdan nga lauman sa tanang konsumidor nga kon mo grabe kaayo ang lubog, mapugos ang water district pag-shutdown sa pasilidad sa Sitio Iyao, Brgy. Anticala ning siyudad.

Katarongan ni Barquin, kon lubog na kaayo ang tubig, i-shutdown ang pasilidad aron dili kini madaut.

Hinuon, pasalig sa opisyal, kon mahitabo ang maong senaryo, ipa-aktibo gilayon sa water district ang 5 ka mga pumping stations aron magpadayon ang suplay sa tubig.

Bisan pa man, ang ma-prodyus nga tubig gikan sa 5 ka mga pumping stations, ang dili kini pa igo aron tanang service area ang masuplayan hinungdan nga dunay mga barangay ang magsakripisyo sanglit walay tubig nga mo agas.

Sagad sa mga dapit nga walay tubig kadtong mga dapit nga nahimutang sa tumoy’ng bahin sa service area ug kadtong mga lugar nga nahimutang sa taas nga bahin.

“ADVISORY (August 2, 2015): The weather at the Taguibo River Watershed is currently very cloudy with a huge chance of raining. As such, the Butuan City Water District (BCWD) advise the consuming public to be prepared and store water to meet domestic needs.”
“This is a precautionary measure in case of a possible incidence of high water turbidity level at the source. Hence, operation of the facilities at the source could be temporarily suspended. As such, five (5) pumping stations will then be operated to supply water in the City. Normal water pressure will be restored upon resumption of the operation of the facilities,” tambag ni Barquin.

No comments:

Post a Comment