Earthquake Drill Gidayeg

Ni Alex Mapoy

EARTHQUAKE DRILL: Gatosan ka mga estudyante lakip ang mga magtutudlo ang gitudloan sa kapulisan sa lungsod sa Alegria, Surigao del Norte kon unsay buhaton sa higayon dunay linog. Photo courtesy of Alegria MPS

ALEGRIA, Surigao del Norte – Gatosan ka mga estudyante sa Alegria National High School, Brgy. Ouano sakop sa maong lungsod ang mainitong nisalmot sa gipahigayong Earthquake Drill sa nakalabay’ng semana.

Nanguna sa maong drilling ang han-ay sa kapulisan sa Alegria Municipal Police Station sa pagpanguna ni Police Inspector Cesar Elan Gealogo, ang kasamtangang Officer-In-Charge – Chief of Police sa maong munisipyo.

Hisayran nga adiser gihimo ang maong pagbansay, gipasabot una sa grupo ni PI Gealogo ngadto sa tanang estudyante ug mga magtutudlo ang kabahin sa importansya sa maong kalihokan.

Gipasabot sa grupo ni PI Gealogo ang tanang nisalmot nga mas dako og ikatabang ang makat-onang kahibalo aron malikayan ug maminusan ang damyos nga ibilin sa higayong mo igo ang makusog nga linog.

Gitudloan usab sa kapulisan ang mga paagi unsay buhaton kon mo igo ang linog ug usab kon unsay himuon kon kini mo responde o mo tabang ngadto sa mga mabiktima.

Ang maong kalihokan gihimo isip pagsuporta sa selebrasyon sa National Disaster Consciousness Month.

“Prior to the earthquake drill, the undersigned and SPO1 Butch F. Ayaton, PCR PNCO conducted a lecture pertaining to man-made and natural disaster to the students and faculty of the above mentioned school in relation to the celebration on National Disaster Consciousness Month. Emphasized during the said lecture was the importance of having knowledge on how to prevent or minimize the damage cause by any calamities. After such discourse, earthquake drill was executed wherein the students were able to apply the proper way in responding to an earthquake.”

Subay niini, niani usab og pagdayeg ang kapulisan gikan sa mga estudyante ug magtutudlo human natudloan kini unsay buhaton pag-abot sa kalamidad.