Thursday, August 27, 2015

Inconsistency sa NBP College, Gipanghimakak

Ni Mike Glenn B. Obungen
Unsay kaugmaon sa New Buenavista Polytechnic College human gibasura ang Municipal Ordinance No. 13 – 2015 nga mas nailang, “An Ordinance Establishing a College Institution in the Municipality of Buenavista, Agusan del Norte to be Known as a New Polytechnic College” human gibasura sa Sangguniang Panlalawigan sa Agusan del Norte tungod sa inconsistencies?
BUENAVISTA, Agusan del Norte – Gipanghimakak ug hugot nga gibarugan sa kagamhanang lokal sa lungsod sa Buenavista, Agusan del Norte nga na comply ang tanang rekisitos nga gipangayo sa Commission on Higher Education (CHED) Caraga basi sa checklist nga gihatag sa komisyon kanila.

Ang maong baruganan gidiga sa LGU Buenavista human gibasura sa Sangguniang Panlalawigan sa Agusan del Norte ang Municipal Ordinance No. 13 – 2015 nga mas nailang, “An Ordinance Establishing a College Institution in the Municipality of Buenavista, Agusan del Norte to be Known as a New Polytechnic College” human nasuta nga wala kini nakatuman sa CHED Memorandum Order (CMO) 32, series of 2006, CMO No. 04, series of 2007, ug DILG Memo Circular No. 2009 – 67.

Dihang gipangayuan og komento sa Mindanao Centro Daily ang LGU Buenavista bahin sa pagbasura sa maong ordinansa, nahikurat kini ug nakapangutana kon asa sila nahimong inconsistent dungan sa pagpamugos nga ilang na comply ang tanang gikinahanglang rekisitos.

Sumala ni Joel C. Cabusao ang MPA sa LGU Buenavista, “nagsubay man gyud me, like for example sa qualifications sa mga teachers mao man gyud nay pinakabug-at apan nangita ta, like kon kinsa ang Presidente nga muhawid sa skwelahan puhon dapat graduate sa Doctor, nangita manta tag doctor, mao nga asa me dapita na Inconsistent?” ang tipik sa pahayag ni Cabusao.

Gitin-aw usab ni Ronel M. Azarcon ang MIO sa Lungsod sa Buenavista “ang LGU Buenavista nagsiguro nga ang tanang proyekto ug programa gisiguro nga gasubay me, sama nalang sa NBP Polytechnic College, amu gyung gisiguro nga makasubay me sa mga proseso nga gi-required sa mga concern government agencies sama sa Commission on Higher Education kon CHED. Well, I dont know kay ang mga isensyal nga mga requirements atong natubag, for example ang pinaka-importante niana ang ordinansa sa Sangguniang Bayan, naa na ato ana og other technical requirements ato manang natubag ginatan-aw na sa atong consultant. Naay cheklist niana. Ang akong tan-aw ana, personally, tana kon naa may kakulangon nga ginagmay, pinaka-maayo niana atong tabangan pagsulbad kon naay ilang nakita. Ato panang-i-check kon unsa man, kay kani basic services ni sa katawhan kay kaning edukasyon o health mao ni ang nag-una, nga maoy prayority sa Pagaspas Administrasyon, dugang pa niini atong nahikawan og oportunidad ang kabataan nga walay akses sa mga lagyo nga lugar aron didto mo eskwela. So, mao nga ang eskwelahan ang atong ipaduol sa mga kabataan,” tipik sa pagtin-aw ni Azarcon.

Samtang, wala usab direktang gitubag sa duruha kon ang pagkabasura sa Municipal Ordinance No. 13 – 2015, usa ka politically motivated ug bahala na ang katawhan magtimbangtimbang niini.

No comments:

Post a Comment