Land Degradation Alarming

Ni Alex Mapoy

LAND DEGRADATION:  Gikomperma ni Regional Coordinator 

Bureau of Soils Water and Management Marcelo P. Dayo nga very 

much alarming ang land degradation sa Pilipinas hinungdan nga 

angayan kining batokan. Photo by Alex Mapoy

BUTUAN CITY – Gikonsidera sa Bureau of Soils Water and Management nga alarming na ang paspas nga land degradation sa Pilipinas.

Basi sa datos, mokabat na sa 2,563,944.28 ka ektaryang yuta sa tibuok nasod ang ni-ubos ang kalidad tungod sa soil compaction, vegetation degradation, detrimental effects of forest fires, soil erosion, soil fertility decline, land conversion, ug daghan pang uban.

Sa Land Degradation Hotspot’s list, nanguna ang Bukidnon nga dunay 154,690.05 ka ektarya; nagsunod ang Zamboanga del Norte nga dunay 92,291.83 ka ektarya; ika-baynte uno, ang Surigao del Sur nga dunay 30,152.21; ika-baynte singko, ang Surigao del Norte nga dunay 21,674.51; ika-baynte-siete, ang Agusan del Sur nga dunay 14,776.72; samtang ang Agusan del Norte ug Dinagat Island Province ang wala nalakip sa magic 30 ranking.

Alayon niini, gipahayag ni Regional Coordinator Bureau of Soils Water and Management Marcelo P. Dayo, ang maong kahimtang ang nanginahanglan sa hinanaling pagtagad dili lang sa nasodnong kagamhanan kondi apil na usab ang katawhan nga mo tabang pagbatok niini.

Dugang ni Dayo, kon tan-awon lamang ang hulagway sa ubos kon mo sakay og eroplano, dili na lunhaw o green ang makita sa ubos kondi brown na.

Asoy pa niya, wala na kadtong gitawag nga virgin forest hinungdan nga angayan nang mo lihok ang tanan sanglit alarming na ang land degradation sa nasod.

Gitin-aw sa opisyal, kon dili “healthy” ang yuta nga gitikad sa mga mag-uuma, mo ubos ang produksyon niini.

 “Very much alarming. Kung tingnan natin ang trend, grabe, grabe. Kun magsakay tag eroplano, tan-awon nato sa ubos, dili na green ang yuta kondi brown na. Wala na tong mga virgin forest natin. Kasi, yong mga farmers natin, wala na sa ibaba, siyempre, develop na, kaya ang mga farmers ay doon na sa bundok namumuhay. So, ang land degradation sa Pilipinas ay very much alarming,” pagklaro ni Dayo.

Alayon niini, gipasabot ni DA Caraga Info. & Public Relations Section Chief Emmylou Presilda, ang selebrasyon sa 2015 International Year of Soils nga gisabak sa tema, Healthy Soils for a Healthy Life, usa ka maayong kahigayonan aron mahimong komprehensibo ang himuong lakang ug mapatas-an ang kahibalo sa tanan kabahin sa kabililhon sa yuta alang sa food, nutrition security, ug environmental protection.

Subay niini, gipakusgan sa Bureau ang adbokasiya uban ang Department of Agriculture (DA) nga mabatokan ang land degradation pinaagi sa pagpananom og fruit bearing trees o mga prutas, gi-asdang ang organikong sistema sa panguma, ug daghan pang uban.

Nalantawan sa opisyal, kon dili kini mabatokan, posible nga mo abot ang panahon nga mahimong degraded na ang kayutaan sa tibuok Pilipinas.