Napailawom sa U4U Teen Trail Nagkadaghan

Ni Alex Mapoy

Teen Facilitators' Workshop at Barobo National High School, Barobo, Surigao del Sur. Courtesy of PopCom Caraga

BUTUAN CITY – Ubay-ubay na ka mga batan-on ang napailawom sa U4U Teen Trail nga gipasiugdahan sa Population Commission (PopCom) Caraga.

Aktibo nga nisalmot ang tanang batan-on sa gipahigayong sesyon sa komisyon labi na sa gihimo niining workshop.

Lakip na niini ang kapin 200 ka mga batan-on nga nakaapil sa gipahigayong sesyon ang na gikan sa Tandag ug Surigao.

Hisayran nga adiser gihimo ang sesyon, dunay gihimong workshop sa mga teen facilitators aron magiyahan kini kon unsaon pagdala ug pag-facilitate sa U4U Teen Trail.

Gituyo pagdisenyo sa komisyon ang maong aktibidad aron mahitsasan ang kabatan-onan sa igong kahibalo labi na sa mga sensitibo nga hisgotanan aron mahatagan kini sa saktong impormasyon kabahin sa adolescent reproductive health, batakan niining katungod ingon man sekswalidad, ma-eduka kabahin sa makatakod nga sakit sama sa HIV/AIDS, ug kabahin sa risgo sa pagbuntis.

Pursigido si POPCOM Caraga Director Alexander A. Makinano nga ipadayon sa komisyon ang mga nasugdang kalihokan pinaagi sa Adolescent Health and Youth Development Program aron makab-ot ang kinatibuk-ang niining katuyoan nga mabatokan ang paspas nga pasaka sa ihap sa kabatan-onan nga sayong nagsabak.

“For the first semester of this year, the Regional Population Office has already conducted five U4U sessions with more than 400 young people were provided with appropriate information on Adolescent Sexual and Reproductive Health”, pahayag ni Makinano.

Nanghinaut na lamang ang opisyal sa publiko labi na ngadto sa mga ginikanan nga dasigon ang mga anak pagtambong sa nasangpit nga kalihokan.