Epekto sa Climate Change Gipangandaman

Ni Alex Mapoy

Dr. Stephan Baas explained the overview of the 3-day training and workshop on DRRM at LoretaResto, Cabadbaran. Photo by Fretcher Magatao of DA Caraga

BUTUAN CITY – Gipaneguro nga andam na ang mga hingtungdang ahensya sa South-eastern Philippines sa Climate Change.

Kini human napailawom sa “actual community assessment” ang mga representante sa hingtungdang ahensya sa kagamhanan partikular na ang mga disaster coordinators.

Tuyo niini nga makahimo og rekomendasyon ang mga nahisgutan sa lima ka mga barangay sa dakbayan sa Cabadbaran gamit ang Disaster Risk Reduction Management (DRRM) Framework nga gibida sa Food and Agriculture Organizations (FAO).

Una nang gipailawom sa DRRM Systems Analysis Workshop and Community-based Disaster Risk Reduction Planning for Agriculture ang mga representante sa nagkadaiyang ahensya ug DRRM coordinators aron mahitsasan kini sa igong kahibalo isip pagpangandam sa bisan unsang kalamidad nga mo hapak.

Basi sa impormasyon nga gipaabot ni Fretcher Magatao sa Department of Agriculture (DA) Caraga, gipahayag matod pa ni Rome, Italy FAO Headquarters Natural Resources Officer Dr. Stephan Baas, Sr. gikinahanglan nga ma-upgrade ang kahibalo sa mga DRRM coordinators labi na sa pagtubag sa bisan unsa mang kalamidad.

Pamugos ni Dr. Baas, angayang andam sa tanang higayon ang mga nahisgutan sanglit tibuok kalibotan ang apektado sa “climate change.”

Gawas sa gihimong “actual assessment,” gipresentar ni Professor Vladimir Foronda sa Central Bicol State University of Agriculture (CBSUA) ang namugnang “devised program” nga makatabang sa mga “rice farmers” pag-validate sa matag “planting and harvest seasons.”

Sa maong programa, mahibaw-an matod pa ang “actual affected areas” sa panahon sa kalamidad.

Gipasiugdahan ang maong kalihokan sa paninguha nga maminusan ang kapait nga masinatian sa katawhan sa kalamidad sanglit mahatagan naman kining daan og solusyon labi na sa hisgutanang hinanaling pagtubag ug rehabilitasyon.

Ang nahisgutang kalihokan gisalmotan sa mga representante gikan sa Department of Agriculture (DA) Region 11 ug 13, mga opisyal sa coastal municipalities sa duha ka rehiyon, ug Philippine Rice Research Institute (PhilRice).