Water Pressure Pabiling Hinay

Ni Alex Mapoy

BCWD Senior Public Relations Officer Ramil S. Barquin. Photo by Alex 

Mapoy

BUTUAN CITY – Kahinay sa pressure sa tubig maoy gitudlong hinungdan sa Butuan City Water District (BCWD) kon nganong pipila ka mga area sa siyudad ang walay suplay sa tubig.

Sa text message nga gipaabot ni BCWD Senior Public Relations Officer Ramil Barquin, ang water pressure sa water district ang anaa pa lamang sa 310kPA katumbas sa 45psi.

Nagtimaan kini nga hinay pa gihapon ang pressure sa tubig hinungdan nga padayon kining gipaningkamotan sa water district nga mabalik sa normal sa labing dali nga panahon.

“WATER STATUS UPDATE: (June 9, 2015; 8:00 a.m.) As of 8:00 a.m., Tuesday, June 9, 2015, the Butuan City Water District’s water pressure is already at 310kPA or 45psi. Build-up of water pressure is still on-going. Water pressure will be back to normal anytime soon,” tipik sa mensahe ni Barquin.

Kon ugaling mo balik sa normal ang pressure sa tubig, gitambagan nang daan sa opisyal ang tanang konsumidor nga magpundo og daghang tubig tungod sa sitwasyon sa panahon sa watershed nga makasinati sa kalit nga pagbundak sa ulan.

Gihimo kini sa opisyal aron kon mapugos ang water district pagsuspende sa operisyon sa mga pasilidad sa water source partikular na sa Sitio Iyao, Brgy. Anticala ning siyudad, ang mga konsumidor, dili na ma-problema sanglit duna naman kini daan nga pundo.

Pasabot sa nauwahi, mahitabo lamang ang pagsuspende sa operisyon sa pasilidad kon mo masinatian na ang grabe ka lubog sa tubig isip bunga sa pagbundak sa makusog nga ulan.

“However, the weather at the Taguibo Watershed is still unstable anticipating rain anytime. As a precautionary measure, we suggest that the consuming public store water to meet domestic needs. This is in preparation in case BCWD will be forced to suspend the operation of the facilities located at Sitio Iyao, Barangay Anticala due to incidence of high water turbidity at the source,” tambag sa opisyal.

Alayon niini, daling nipadangat og dispensa ang nahisgutan sa tanang konsumidor nga sabton ang sitwasyon sanglit dili lamang ang mga konsumidor maoy ma-apektohan kondi lakip na ang mga empleyado sa water district.

“We sincerely regret the inconvenience,” dispensa sa opisyal.