Thursday, October 29, 2015

Serbisyo Dunay Pinalabi?

Ni Alex Mapoy
Tam-is nga pahiyom sa mga personahe sa DA Caraga kinsa andam mo tabang sa tanan nga mo dangop sa buhatan.
BUTUAN CITY – Walay pinalabi ang rehiyonal nga buhatan sa Department of Agriculture (DA) Caraga sa paghatag tabang kon dunay mo dangop kanila.

Hisayran nga daghang mga proyekto ang napatuman sa rehiyonal nga buhatan diin tanang sektor ang nakapahimulos labi na sa farm – to – market roads ug daghan pang uban.

Sumala ni DA Caraga Public Relations Officer II Aurelius P. Arais, tanang mo duol ug mangayo matod pa og panabang sa ilang buhatan, ila kining paningkamotan nga matabangan.

Dugang ni Arais, bisan unsa pa ang kaliwat sa mangayo og panabang kanila, Indigenous Peoples (IPs) man pananglit, andam sa tanang higayon matod pa ang buhatan sa pagtabang.

Asoy pa sa opisyal, nidangop kanila ang IPs, hinungdan nga nahatagan nila kini og mga klaseng binhi sa utanon.

Dili lang matod pa gulay ang nahatag sa rehiyonal nga buhatan kondi daghan pa nga napahimuslan na sa maong sektor.

“Tanan nga mo duol ug mangayo og tabang sa opisina, atong paningkamotan nga atong mahatag ngadto kanila,” pasalig ni Arais.

Subay niini, gi-awhag sa opisyal ang tanan nga makig-alayon sa pinakaduol nga buhatan sa agrikultura kon ugaling gusto kining mangayo og panabang sa ingon mahatagan gilayon sa hinanaling pagtagad.

No comments:

Post a Comment