NPA Members Niubos

Ni Alex Mapoy

Grupo sa mga batan-ong rebelde kinsa nagpakita sa pagka-agresibo pag-asdang sa armadong pakigbisog.

BUTUAN CITY – Niubos ang ihap sa mga membro sa rebeldeng New Peoples Army (NPA) subay sa obserbasyon sa Armadong Kusog sa Pilipinas.

Sumala ni 4ID Commander MGen Oscar Lactao nga ilang namatikdan nga miubos ang ihap sa mga membro sa rebeldeng grupo tungod matod pa sa kadaghan sa mga membro ang nibalik sa sabakan sa balaud.

Dugang ni Lactao, wala nalilong sa katawhan nga daghang mga sakop sa NPA ang nisurender sa pipila ka bahin sa rehiyon sa Caraga.

Usa sa mga hinungdan nganong ni-surrender ang mga nahisgotan tungod sa grabe ka lisod sa kahimtang isip usa ka rebelde diin adlaw ug gabii, magbaktas sa kabukiran aron magtago sa ingon dili madakpan sa awtoridad.

Gawas nga wala nakaagwanta, ubay – ubay usab sa mga gisaad sa rebelde ang wala natuman hinungdan nga nakahukom ang mga nahisgotan nga mobalik sa sabakan sa goberno.

Subay niini, misaludo ang opisyal sa mga membro sa rebelde nga nisurender sanglit husto matod pa ang nakab-ot niining desisyon alang sa maayong ugma sa ilang pamilya.

Gidasig usab sa opisyal kadtong wala pa nisurender nga mo surrender na mintras wala pa kini nadisgrasya sa gubat aron ang kinabuhi dili masayang.