Trabaho sa Butuan, Nihit

Ni Alex Mapoy

BUTUAN CITY – Gamay lamang ang kasudlan og trabaho sa dakbayan sa Butuan hinungdan nga bisan usa lamang ka buok ang bakante, gatosan ka mga indibidwal ang maglinya pagpangaplay.

Mismo ang kadumalahan sa Robinsons Place Butuan nagkomperma nga kada adlaw makadawat sila og aplikasyon gikan sa mga nangita og trabaho.

Basi sa estimate ni Marian Damalerio – Chiong, ang Human Resource Officer sa nahisgotang mall, halos 60 ka mga aplikante kada adlaw ang mangaplay uban sa panghinaut nga kini madawat sa gi-aplayan nga trabaho.

Marian Damalerio – Chiong

Sa maong ihap, dugang ni Chiong, anaa lamang sa 16% – 33% katumbas sa 10 – 20 ka mga aplikante ang madawat nga mga aplikante.

“Almost everyday naa sa mga around 60applicants. . . Pero dili na.cla.tanan madawat. . . Nara sa mga 10-20 lex ang madawat,” pagkomperma ni Chiong.

Gitin-aw sa opisyal, ang pagdawat nila og aplikante, wala lamang nag-basi kon linya ba sa kurso ang bakanteng trabaho nga gi-aplayan kondi kon makita nila nga qualified kini sa maong posisyon, ila kining dawaton.

“Uu lex. . . and bisan dili linya sa ila.course, dawaton mn pd namu. , ,kng qualified. . ,”  pagtin-aw sa opisyal.

Usa sa nakita sa nahisgotan kon nganong kada adlaw ang dunay mangaplay ug bisan dili linya sa ilang kurso, gi-aplayan gihapon ang bakanteng trabaho sanglit wala namay laing trabaho nga mahimo nilang ka aplayan.

“Uu, , kana pd lex. . . wala jd pd kaau job dre sa butuan. .” dugang pagpasabot sa nahisgotan.