Tuesday, May 26, 2015

Free Competency Assessment Gilusad

Symbolic hand-over of assessment tools at the start of the conduct of the assessment headed by TESDA Caraga Regional Director Florencio F. Sunico, Jr., CESO III. Photo by Alex Mapoy
BUTUAN CITY – Mas gipakusgan sa kadumalahan sa Department of Agriculture (DA) Caraga ang pagbida sa Farm Mechanization Program ngadto sa mga mag-uuma.

Ilawom sa programa, mokabat sa P1,482,200 ang kinatibuk-ang pundo nga gigahin sa ahensya dinhe lamang sa rehiyon alang sa tibuok tuig niini nga implementasyon.

TESDA Caraga Regional Operations Division OIC-Chief
Liza B. Budtan  nipasabot  kabahin sa NATCAC Program.
Gipasabot ni TESDA Caraga Regional Operations Division OIC-Chief Liza B. Budtan nga ilawom sa programa, ang 2,600 ka mga benepisyaryong Caraganons ang libre nga makapa-assess sa skills nga nahuptan.

Dugang ni Budtan, ang NATCAC dungan kini nga ipahigayon alang sa mga “identified key qualifications” nga matod pa, “critical” ug lisod pangitaon diin taas kaayo ang demand sa kalibotan sa panarbaho.

Sa maong kahimtang, gilusad ang maong programa agi’g tubag sa maong demand diin libre kining ma-avail sa mga Caraganons kansang pundo gikuha gikan sa Training for Works Scholarship Program (TWSP).

Nag-unang katuyuan niini mao ang paghingusog sa Assessment and Certification Program sa “company o enterprise” nga lebel, pagpalapad sa “accessibility” sa mga kliyente nga ma-asess ug mahatagan og sertipikasyon, mapalambo ang “competitiveness, employability, ug productivity sa trabahante, ug mapataas ang lebel sa kwalipikasyon sa mga nagtunhay’ng trabahante, trainers, ug assessors.

TESDA Caraga Regional Director Florencio F. Sunico,
Jr., CESO III. Photo by Alex Mapoy
Bukas kini sa tanang trabahante, industry practioners, professional, career shifters kinsa gusto nga mopailawom sa competency assessment, trainers sa private ug public Technical Vocational Institutions (TVIs), DepEd Grades 9 ug 10 TLE teachers, Public Utility Vehicle (PUV) drivers, Returning Overseas Filipino Workers (OFWs), Filipino Expatriates nga dunay “relevant experience” nga gustong mopailawom sa nasangpit nga programa.

Subay niini, gidasig ni TESDA Caraga Regional Director Florencio F. Sunico, Jr, CESO III ang mga Caraganons nga mo avail niini nga kahigayonan aron makahupot kini og sertipikasyon gikan sa ahensya.

Mahimo lamang kining makig-alayon sa pinakaduol nga buhatan sa ahensya sa ingon kini magiyahan pag-ayo.

Atol sa gihimong paglusad, gihimo usab ang “symbolic hand-over sa assessment tools nga gipangunahan sa rehiyonal nga direktor inabagan sa mga kadagkuang opisyal sa nasangpit nga ahensya.

No comments:

Post a Comment