Wednesday, May 27, 2015

Media Practitioner Kritikal

Ni Alex Mapoy
Edito "Ed" Mapayo, Provincial Reporter sa Mindanao Centro Daily
SAN ISIDRO, Surigao del Norte – Talandugon ang kahimtang sa usa ka media practitioner human aksidenteng nabangga ang gimanehuang single motor sa barikada ug ni-side swept pa kini sa laing single motor diha sa National Highway Crossing Junction, Brgy. Roxas ug Brgy. Buhing Calipay, lungsod sa San Isidro Surigao del Norte, adtong Martes, alas-5:45 sa hapon.

Giila sa kapulisan sa San Isidro Municipal Police Station ang biktima nga usa ka Edito "Ed" Mapayo, 36 anyos, minyo, provincial reporter sa Mindanao Centro Daily, residente sa Brgy. 1 Poblacion, General Luna, Surigao del Norte. 

Lazada IndonesiaLazada IndonesiaSa inisyal nga imbestigasyon ni SPO1 Randy Salgado Iballa, gikan nibisita si Mapayo sa nahisgutang presento ug nibiya sakay sa gipanag-iyahang Honda Wave single motor nga nagtangag sa plaka numero MS5143 padulong sa lungsod sa Dapa sakop sa nahisgutang probensya. 

Paghidangat ni Mapayo sa National Highway Crossing Junction, Brgy. Roxas ug Brgy. Buhing Calipay, aksidente niining nabanggaan ang barikada hinungdan sa pagkasarasay sa gimanehoang motor ug nipangka ngadto sa XRM125 Honda kolor itom nga nagtangag sa plaka numero MC6382 OY. 

Giila ni SPO1 Iballa ang driver sa na side-swept nga motor nga usa ka Chimarie R. Raquedan, 42 anyos, minyo, field supervisor sa J2D Trading and General Services, nagpuyo sa Sitio Toril, Brgy. Luna, dakbayan sa Surigao. 

Nasuta nga gikan si Raquedan sa lungsod sa Dapa ug pa uli unta kini sa ilang bankhouse nga nahimutang sa Brgy. Del Pilar, lungsod sa San Isidro. 

Aksidenteng nabanggaan sa provincial reporter ang barikada human pakyas ang wala nailhi nga sub-contractor pagbutang og early warning device sa maong dapit nga nahitaboan. 

Daling girespondihan sa kapulisan ang hitabo sa pagpanguna ni OIC, PInsp. Geraldine Cubero Geraldo dihang nakadawat og impormasyon bahin sa hitabo. 

Gitabang gilayon sa grupo ni PInsp. Geraldo si Mapayo ug gidala ngadto sa Dapa District Hospital alang sa medikasyon. 

Sa pagsulat niini nga balita, gikomperma sa imbestigador nga anaa sa talandugon nga kahimtang ang biktima.

No comments:

Post a Comment